ކޮންމެ އަހަރެއްގެވެސް ރަމަޟާން މަހާއި އަދި ޝައްވާލު މަހުގެ 6 ރޯދަ އާއި ގުޅިގެން ސަރުކާރު އޮފީސްތަކުގެ ރަސްމީ ގަޑިއަށް ބަދަލު ގެނެއެވެ. 

މިގޮތުން މިއަހަރުވެސް، ރަމަޟާންމަހުގެ ދުވަސްތަކާއި، ޝައްވާލުމަހުގެ ފުރަތަމަ 7 ދުވަހުގެ ރަސްމީ މަސައްކަތު ގަޑިއަކީ ހެނދުނު 9:00 އިން މެންދުރުފަހު 1:00 އަށް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހަމަޖައްސަވާފައެވެ. މިބަދަލާއި އެއްގޮތަށް ކުންފުނިތަކާއި ބައެއް އަމިއްލަ އޮފީސްތަކުންވެސް އެތަންތަނުގެ މަސައްކަތުގެ ގަޑިއަށް ބަދަލު ގެނެއެވެ.

މީގެ އިތުރުން މިއަހަރުން ފެށިގެން ކޮންމެ ރަމަޟާން މަހެއްގެ ވެސް އެންމެ ފަހު 10 ދުވަހަކީ ސަރުކާރު ބަންދު ދުވަސްތަކެއް ގޮތުގައި ރައީސުލްޖުމްހޫރިއްޔާ ހަމަޖެއްސެވުމާއި ގުޅިގެން އީދު ބަންދާއި އެކު ސަރުކާރުގެ މުވައްޒަފުންނަށް 16 ދުވަހުގެ ބަންދެއް ލިބުނެވެ.

މާދަމާ 2024 އޭޕްރީލް 17ވާ ބުދަ ދުވަހުން ފެށިގެން ސަރުކާރުގެ ރަސްމީގަޑި ކުރިއެކޭ އެއްގޮތަށް ބަދަލުވާނެއެވެ.