ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީން) އިންޓަރނޭޝަނަލް އެއިޑް ކެމްޕެއިން އައިއޭސީން ގާޒާ އިމަޖެންސީ ރިލީފް ފަންޑަށް އެއްމިލިޔަން ރުފިޔާ ހަދިޔާކޮށްފިއެވެ.

އެފައިސާ އެކުންފުނިން ހަދިޔާކޮށްފައިވާ ކަން، އައިއޭސީން ހާމަކޮށްފައި ވަނީ ރޭގައެވެ.

ގާޒާ އިމަޖެންސީ ރިލީފް ފަންޑަށް މިފައިސާ ހަދިޔާކުރުމަށް އެކުންފުނިން ނިންމާފައި ވަނީ، އިޒްރޭލުން 7 އޮކްޓޫބަރުގައި ގާޒާ ހަނގުރާމަ ފެށުމާއި ގުޅިގެންނެވެ. ގާޒާ އެމާޖެންސީ ރިލީފް ފަންޑަށް، ސަރުކާރުގެ އެހެން ކުންފުނިތަކާއި ޖަމިއްޔާ ޖަމާއަތްތަކުންނާއި ވަކި ވަކި ފަރުދުންވެސް ވަނީ އެހީތެރިކަން ފޯރުކޮށްދީފައެވެ.

ގާޒާ ހަނގުރާމަ ފެށިތާ ކުރީކޮޅު އައިއޭސީން އިމަރޖެންސީ ރިލީފް ފަންޑް ހުޅުވާލުމާއި އެކު ބައެއް ފަރާތްތަކުން ވަނީ އައިއޭސީއަށް ތުހުމަތުގެ އިނގިލި ދިއްކޮށްފައެވެ.