އަޅުގަނޑުމެން ކުރާ ހެޔޮ ޢަމަލުތަކުގެ ޘަވާބު އުނިވާކަންތައްތަކުން އަޅުގަނޑުމެން ރައްކާތެރިވާންޖެހެއެވެ.

"ނޫން.އެމްވީ"ގެ ރޯދައާ ހެޔޮ އަމަލުގެ ހަތާވީސްވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ތިމާއަށް ތިމާ ފެނުމުގެ ނުބައިކަމާ ގުޅޭގޮތުންނެވެ. 

މީހާ ހަލާކުވެގެން ހިނގައިދާނެ ތިންކަމެއް ކީރިތި ރަސޫލާ ބަޔާންކޮށްދެއްވި ހިނދު އޭގެތެރެއިން އެންމެ ނުރައްކާތެރިކަމެއްގެ ގޮތުގައި ބަޔާންކުރެއްވީ:

Advertisement

إِعجابُ المرْءِ بنفْسِهِ މާނައީ: "މީހާ އޭނާގެ އަމިއްލަ ނަފްސާމެދު ހެއްލުންތެރިވުމެވެ." 

އާދެ! އެއީ ތިމާއަށް ތިމާ ފެނުމެވެ. ތިމާކުރާ ހެޔޮކަންތަކާމެދު ހެއްލުންތެރިވުމެވެ. އެހެންމީހުންނަށް ތިމާއަށް ކުރެވޭ ވަރަށް ހެޔޮކަންތައް ނުކުރެވޭކަމުގެ އިޙްސާސްކުރެވެން ފެށުމެވެ. ތިމާއަށް އުޅެވެނީ އެންމެ ރަނގަޅަށްކަމަށް ޤަބޫލުކުރެވެން ފެށުމެވެ. މީ ވަރަށް ނުރައްކާތެރި ބައްޔެކެވެ.

އެހެންކަމުން މި މާތް މައްސަރުގައި އަޅުގަނޑުމެންނަށް ކިތައްމެ ގިނަ ހެޔޮ ޢަމަލުތަކެއް ކުރެވުނު ނަމަވެސް އެކަމާމެދު ހެއްލުންތެރިވެ ފަޚުރުވެރިވެ ބޮޑާނުވުމަށް ނަޞޭޙަތްތެރިވަމެވެ.

މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށާއި ބެއްލެވުމަށް، ވީޑިއޯ ޕްލޭ ކުރައްވާ!