އަޅުގަނޑުމެން ކުރާ ހެޔޮ ޢަމަލުތަކަށް ރައްކާތެރިވުމަކީ، އަޅުގަނޑުމެން ސަމާލުކަންދޭންޖެހޭ މުހިންމު ކަމެކެވެ. އެހެން ނޫންނަމަ އެ ހެޔޮ އަމަލުތަކުން އެއްވެސް ދަރުމައެއް ނުލިބި ހިނގައިދާނެއެވެ.

"ނޫން.އެމްވީ"ގެ ރޯދައާ ހެޔޮ އަމަލުގެ ސައުވީސްވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ކަލަގޮވުމާއި އުނދަގޫ ދިނުމުގެ ނުބައިކަމާ ގުޅޭގޮތުންނެވެ.

ﷲ ތަޢާލާ ވަޙީކުރައްވަނީ:

( يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُم بِالْمَنِّ وَالْأَذَىٰ ) البقرة 264 މާނައީ: " އޭ إيمان ވެއްޖެ މީސްތަކުންނޭވެ! ކަލަގޮވުމުންނާއި، އުނދަގޫ ދިނުމުން ތިޔަބައިމީހުންގެ صدقات ތައް باطل ނުކުރާ ހުށިކަމެވެ!"

ލޮބުވެތި މުސްލިމް އަޚުންނާ އުޚްތުންނޭވެ. ހަމަޔަޤީނުންވެސް މި މާތް މައްސަރުގައި ވެސް އަދި އެ ނޫން މައްސަރުތަކުގައި ވެސް އަޅުގަނޑުމެންތެރޭގައި ޞަދަޤާތްކުރާ އެތައް ބަޔަކު އުޅޭނެއެވެ. ނަމަވެސް ވިސްނަންޖެހޭ ކަމަކީ ޞަދަޤާތް ދިނުމަށްފަހު ކަލަގޮވުން ނުވަތަ ފަޤީރު މީހާ ދެރަވާފަދަ ބަސްތައް ބުނުން ފަދަ ކަންކަން ކުރުމުން އަޅުގަނޑުމެންގެ ހެޔޮ ޢަމަލުތައް ބާޠިލް ވެދާނެއެވެ.

މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށާއި ބެއްލެވުމަށް، ވީޑިއޯ ޕްލޭ ކުރައްވާ!