ރާއްޖެއިން މިއަހަރު ހައްޖަށް ދިޔަ މީހުންގެ ތެރެއިން އިތުރު މީހަކު ނިޔާވެއްޖެއެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި މިއަދު މަދީނާގެހޮޓެލްގައި ނިޔާވެފައި ވަނީ މިއަހަރު ހައްޖުކޯޕަރޭޝަނުގެ ހަވާލުގައި ހައްޖަށް ދިޔަ މީހެކެވެ.

ނިޔާވެފައި ވަނީ، ހއ.ކެލާ، ސީސާންގެ، ޢަލީ ގާސިމް (81އ)، އޭނާ ނިޔާވީ ބަލިވެ އުޅެފައިކަމެއް އަދި އެނޫން ގޮތަކުން ކަމެއް ކަމާއި ބެހޭ ފަރާތްތަކުން ހާމަކޮށްފައެއް ނުވެއެވެ.

މިއީ މިއަހަރު ހައްޖު ކޯޕަރޭޝަނުގެ ހަވާލުގައި ހައްޖަށް ދިޔަ މީހުންގެ ތެރެއިން ނިޔާވި 3 ވަނަ މީހާއެވެ، މީގެ އިތުރުން އެހެން ޖަމާޢަތެއްގެ ހަވާލުގައި ހައްޖަށް ދިޔަ މީހަކުވެސް ގެއްލިގެން ހޯދަމުން ދަނިކޮށް ނިޔާވެފައި އޮއްވައި ފެނިފައި ވެއެވެ.

މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން މިހާތަނަށް 4 މީހަކު ވަނީ ނިޔާވެފައެވެ.