އަޅުގަނޑުމެން ކުރާ ހެޔޮ ޢަމަލުތަކަށް ރައްކާތެރިވުމަކީ، އަޅުގަނޑުމެން ސަމާލުކަންދޭންޖެހޭ މުހިންމު ކަމެކެވެ. އެހެން ނޫންނަމަ އެ ހެޔޮ އަމަލުތަކުން އެއްވެސް ދަރުމައެއް ނުލިބި ހިނގައިދާނެއެވެ.

"ނޫން.އެމްވީ"ގެ ރޯދައާ ހެޔޮ އަމަލުގެ ބާވީސްވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ އަޅުކަން ކުރަން ދީނުގައިވާ އެންމެ ޞައްޙަ ގޮތް އެނގުމުގެ މުހިންމުކަމާ ގުޅޭގޮތުންނެވެ.

ކީރިތި ރަސޫލާ ޙަދީޘްކުރައްވަނީ؛

Advertisement

« من عمل عملا ليس عليه أمرنا فهو ردّ  » متّفق عليه

މާނައީ: "މި ދީނުގައި ތިމަންކަލޭގެފާނު ގެނެސްދެއްވާފައިވާ ގޮތް ނޫން ގޮތެއްގެ މައްޗަށް ކަމެއްކޮށްފިމީހާ ދަންނާށެވެ. ފަހެ އެކަމެއް ރައްދުކުރެވޭނެއެވެ." އެބަހީ އެ ޢަމަލެއް ބާޠިލް ކުރެއްވޭނެއެވެ. 

ލޮބުވެތި މުސްލިމް އަޚުންނާއި އުޚްތުންންނޭވެ. ބިދުޢައާއި ޚުޒަޢުބަލާތާއި ޚުރާފާތުގެ މައްޗަށް އަޅުގަނޑުމެންގެ އަޅުކަންތައް ބިނާ ނުކުރައްވާށެވެ. އަޅުކަމެއް ކުރުމުގެ ކުރިން އެ އަޅުކަމެއް ކުރަން ދީނުގައި އައިސްފައިވާ އެންމެ ޞައްޙަ ގޮތް އުނގެނިވަޑައިގަންނަވާށެވެ. އޭރުން އަޅުގަނޑުމެންގެ ޢަމަލަކީ ބޭކާރު އެއްޗެއް ކަމުގައި ނުވާނެއެވެ.

މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށް ވީޑިއޯ ޕްލޭ ކުރައްވާ!