ރ އުނގޫފާރުން ފުރައިގެން މާލެއަށް ދަތުރުކުރި ކްރިސްޓަލް ސްޕީޑް ނަމަކަށް ކިޔާ ލޯންޗެއްގައި ބެޓެރީއެއް ގޮވައި، 6 މީހަކަށް އަނިޔާވެއްޖެ ކަމުގައި އެމްއެންޑީއެފުން ބުނެފިއެވެ.

އެމްއެންޑީއެފުން ބުނީ ހާދިސާގެ ރިޕޯޓް އެމްއާރްސީސީއަށް ލިބިފައި ވަނީ މިއަދުގެ 16:00 ހާއިރުގައި ކަމަށެވެ.

ހާދިސާ ހިނގީ މާލެ އަތޮޅުތެރެއިން ކަމަށާއި، އެލޯންޗު އޭރު އޮތީ އެރިޔަދޫ ރިސޯޓާއި ގާތުގައި ކަމަށް އެމްއެންޑީއެފުން ވަނީ ބުނެފައެވެ. އަދި ހާދިސާ ހިނގި ލޯންޗަށް އެހީތެރިކަން ފޯރުކޮށް ދިނުމަށްޓަކައި ކޯސްޓްގާޑުގެ އުޅަނދުފަހަރު އެދިމާއަށް ދަތުރުކުރަމުންދާކަމުގައިވެސް އެމްއެންޑީއެފުން ވަނީ ބުނެފައެވެ.

މިހާރު އެލޯންޗް އޮތީ އެރިޔަދޫ ރިޒޯޓް ފަޅުގައެވެ.

ލޯންޗުން ދަތުރުކުރި މީހުންގެ އަދަދެއް އަދި އަނިޔާލިބުނު މީހުންގެ ހާލަތެއް އަދި ސާފެއް ނުވެއެވެ.