ބޭންކް އޮފްމޯލްޑިވްސްގެ ހިއްސާދާރުންނަށް ޙިއްސާއަކަށް 50 ރުފުޔާގެ މަގުން ފައިދާ ބެހުމަށް ހުށައަޅާނެ ކަމުގައި އެބޭންކުން ބުނެފިއެެވެ.

ބީއެމްއެލްއިން ބުނެފައި ވަނީ، 2023 ވަނަ އަހަރަކީ އެކުންފުންޏަށް އެންމެ ފައިދާ ބޮޑު އަހަރު ކަމަށެވެ. މިގޮތުން އެކުންފުންޏަށް ޓެކްސް ނުހިމަނައި ސާފު ފައިދާގެ ގޮތުގައި، 2.07 ބިލިއަން ރުފިޔާ ލިބިފައިވާ ކަމުގައި ބޭންކުން ވަނީ ބުނެފައެވެ. އެހެންކަމުން އެކުންފުންީގެ އަހަރީ އާއްމު ބައްދަލުވުމަށް ޙިއްޞާގެ ފައިދާގެ ގޮތުގައި ހިއްޞާއަކަށް 50ރ ގެ މަގުން ހިއްސާގެ ފައިދާ ބެހުމަށް ހުށައަޅާނެކަން ބޭންކުން މިއަދު ވަނީ ހާމަކޮށްފައެވެ. މިގޮތުން ހިއްސާގެ ފައިދާގެ ގޮތުގައި ބެހުމަށް ނިންމާފައި ވަނީ ޖުމުލަ، 269 މިލިޔަން ރުފިޔާ ކަމުގައިވެސް ބޭންކުން ވަނީ ބުނެފައެވެ.

ބީއެމްއެލްގެ ސީއީއޯ އަދި މެނޭޖިންގ ޑައިރެކްޓަރ ކާލް ވިދާޅުވީ، ބޭންކުގެ އެންމެ ބޮޑު ހިއްޞާދާރަކީ ދައުލަތް ކަމަށްވީއިރު، ހިއްސާގެ ފައިދާގެ ގޮތުގައި ދައުލަށް 136.6 މިލިޔަން ރުފިޔާ ލިބޭއިރު ޓެކްސްގެ ގޮތުގައިވެސް 628 މިލިއަން ރުފިޔާ ބޭންކުން ދައްކާފައިވާ ކަމަށެވެ.

ޤައުމީ ބޭންކް ބޭންކް އޮފް މޯލްޑިވްސްއަކީ ރާއްޖޭގެ އެންމެބޮޑު ބޭންކެވެ.