ހުޅުމާލެ ފޭސް 3 ގެ ބިން ހިއްކުމުގެ މަޝްރޫޢުގެ ދަށުން މިހާތަނަށް 15 ހެކްޓަރުގެ ބިން ހިއްކިފައިވާ ކަމުގައި އެޗްޑީސީން ބުނެފިއެވެ.

އެކުންފުނިން ބުނީ 3 ވަނަ ފިޔަވަހީގެ ބިން ހިއްކުމުގެ މަސައްކަތް ބާރަށް ކުރިޔަށް ދާކަމަށެވެ.

ހުޅުމާލެ ފޭސް 3 ހިއްކުމުގެ މަސައްކަތް ފަށާފައި ވަނީ، އެމްޑީޕީ ސަރުކާރުގައި ހުސްވި އަހަރުގެ ސެޕްޓެމްބަރު މަހުގެ 23 ވަނަ ދުވަހުގައެވެ.

ތިންވަނަ ފިޔަވަހީގެ ބިން ހިއްކުމުގެ މަސައްކަތް ކުރޔަށް ގެންދަނީވެސް ތިން ފިޔަވައްސަކަށް ބަހާލައިގެންނެވެ. ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕަނީ ޕްރައިވެޓް ލިމިޓެޑް (ސީ.އެމް.ސީ) އާ ހަވާލުކޮށްގެން ކުރިޔަށް ގެންދާ މަޝްރޫއުގެ ދަށުން، ޖުމުލަ 63 ހެކްޓަރުގެ ބިން ހިއްކުމަށް ނިންމި ނަމަވެސް މިސަރުކާރުން ވަނީ އިތުރު ބިން ހިއްކުމަށް ނިންމާފައެވެ.

ހުޅުމާލެ ފޭސް 3 އަކީ، ބިންވެރިޔާ ސްކީމްގެ ދަށުން ގޯތި ދީފައިވާ ބިމެކެވެ.