Advertisement

ޔަހޫދީން ބޮން ޝެލްޓަރ ތަކުގެ ތެރޭގައި ---

04 Apr 2024
ދުނިޔެ
ޢަލީ ސުލައިމާން

ތެލްއަވީވަށް އީރާނުން ދީފާނެ ހަމަލާއެއްގެ ބިރަށް ޔަހޫދީން ބޮން ޝެލްޓަރތަކަށް ވަދެއްޖެ

އީރާނުން އިޒްރާއީލުގެ ވެރިރަށް ތެލްއަވީވަށް ދީފާނެ މިސައިލް ހަމަލާތަކަކުން ރައްކާތެރިވުމަށް ޒަޔަނިސްޓް ޔަހޫދީން ބޮން ޝެލްޓަރ ތަކަށް ވަންނަން ފަށައިފިކަމުގައި ރިޕޯޓްތައް ބުނެފިއެވެ.

ސޫރިޔާގައި ހުންނަ އީރާނުގެ ކޮންސިއުލޭޓަށް އިޒްރޭލުން ދިން ހަމަލާތަކުގެ ބަދަލު ހިފުމުގެ ގޮތުން، ކުރިޔަށް އޮތް ވަގުތުތަކުގައި އީރާނުން މިސައިލް ނުވަތަ ޑްރޯން ހަމަލާތަކެއް ދީފާނެ ކަމަށް ބުނެ އެމެރިކާގެ ސީއައިއޭއިން ވަނީ އިޒްރޭލަށް އިންޒާރުދީފައެވެ.

އިޒްރޭލުން އީރާނުގެ ކޮންސިއުލޭޓަށް ދިން ވައިގެ ހަމަލާގައި ވަނީ، އީރާނުގެ ކޮމާންޑަރަކާއި، އީރާނުގެ ޑިޕްލޮމެޓުންގެ އިތުރުން ސޫރިޔާގެ ބަޔަކުވެސް ޝަހީދުކޮށްލާފައެވެ. މިހަމަލާތަކުގެ ބަދަލުު ހިފާނެކަމަށް އީރާނުން ވަނީ ބުނެފައެވެ. އަދި އިޒްރޭލަށް އަދަބު ދިނުމުގެ ގޮތުން ހަމަލާދިނުމަށް އީރާނުގެ ސުޕްރީމް ލީޑަރު ވަނީ އެޤައުމުގެ އަސްކަރިއްޔާއަށް އަންގަވާފައެވެ. 

މެދު އިރުމަތީގައި މިހާރު ހިނގަމުންދާ ހަނގުރާމައިގެ ތެރެއަށް އީރާނު ވައްދައި، އީރާނަށް އަރައިގަތުމަށް އެމެރިކާއިން އަންނަނީ ރޭވުންތެރިކަމާއި އެކު މަސައްކަތް ކުރަމުންނެވެ. ތެލާއި ގޭސް އަދި މައުދަންތަކުން މުއްސަނދިވެފައިވާ އީރާނަކީ، މިހާތަނަށް އެމެރިކާއަށް އަތްދަށު ނުލެވި އޮތް ޤައުމެވެ.

އެމެރިކާއިން ވަނީ، އަފްޣާނިސްތާނާއި، ޢިރާޤާއި ސޫރިޔާ އާއި ލީބިޔާއަށް އަރައިގަނެ، އެޤައުމުތަކުގެ ވެރިކަން ވައްޓާލައި އެޤައުމުތަކުގެ އެތައް މިލިއަން މުސްލިމުންނެއް ޝަހީދުކޮށް، އެޤައުމުތަކުގެ މުއްސަނދިކަން ފޭރިގެންފައެވެ. އިޒްރޭލުން ގައްޒާއަށް ވެރިވެ ގަތުމަށް މިހާރު ކުރަމުންދާ ހަނގުރާމައިގެ މައިގަނޑު ބޭނުމަކީވެސް، ގައްޒާގެ ސަރަހައްދުން ތެލާއި ގޭސް ފެނިފައިވާއިރު، ގައްޒާއިން މިސްރުގެ ސައިނާ ސަރަހައްދަށް ގާޒާގެ ރައްޔިތުން ނެރެލައި އެބިމަށް ވެރިވެގަތުން ކަމުގައި ބައިނަލްއަޤުވާމީ މަޝްރަޙް ދިރާސާކުރައްވާ ފަރާތްތަކުން ބުނެފައިވެއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.