Advertisement

03 Apr 2024
ދީން

ހެޔޮ އަމަލުތައް ބާޠިލުވާނެ ކަންކަން: ކީރިތި ރަސޫލާ ގެނެސްދެއްވި ހިދާޔަތު ބޮލާލައިޖެހުން

އަޅުގަނޑުމެން ކުރާ ހެޔޮ ޢަމަލުތަކަށް ރައްކާތެރިވުމަކީ، އަޅުގަނޑުމެން ސަމާލުކަންދޭންޖެހޭ މުހިންމު ކަމެކެވެ. އެހެން ނޫންނަމަ އެ ހެޔޮ އަމަލުތަކުން އެއްވެސް ދަރުމައެއް ނުލިބި ހިނގައިދާނެއެވެ.

"ނޫން.އެމްވީ"ގެ ރޯދައާ ހެޔޮ އަމަލުގެ ނަވާރަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ކީރިތި ރަސޫލާ ގެނެސްދެއްވި ހިދާޔަތު ބޮލާލައިޖެހުމުގެ ނުބައިކަމާ ގުޅޭގޮތުންނެވެ. 

ތަޢާލާ ވަޙީކުރައްވަނީ:

﴿ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ ‎ ﴾ [النور: 24].

މާނައީ: "ފަހެ، އެކަލޭގެފާނުގެ أمر ފުޅާ خلاف ވާމީހުންނަށް ބަލާއެއް ނުވަތަ ވޭންދެނިވި عذاب އެއް ޖެހިދާނެކަމަށް، އެއުރެން ބިރުވެތިވާހުށިކަމެވެ! "

ލޮބުވެތި މުސްލިމް އަޚުންނާ އުޚްތުންނޭވެ! އަޅުގަނޑުމެން ކުރާ ޢަމަލުތައް ޤަބޫލުވެގެންދާނީ މާތް ނަބިއްޔާ ދެއްކެވި ހިދާޔަތުގައި ހިފަހައްޓައިގެންނެވެ. އެކަލޭގެފާނަށް ފުރިހަމަ މާނައިގައި ތަބާވެގެންނެވެ. އެހެންކަމުން އެކަމާމެދު ޚާއްޞަ ސަމާލުކަމެއް ދޭބަޔަކަށް އަޅުގަނޑުމެން ވަމާތޯއެވެ.

މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށް ވީޑިއޯ ޕްލޭ ކުރައްވާ!

ކޮމެންޓް
އިތުރު އާޓިކަލް
10 Feb 2025
ޚަބަރު
މަރުވި ބިދޭސީ މީހާ ބޯމަތިން ދިޔަ ސައިކަލު ދުއްވި ސްޕީޑް 10 ދުވަސްވީ އިރުވެސް ދެނެގަނެވިފައެއް ނުވޭ!
ފުލުހުންގެ އިދާރާއިން މިއަދު ނެރުނު ނޫސްބަޔާނުގައި ވިދާޅުވީ، މިއަހަރުގެ ފެބުރުއަރީ މަހުގެ 1 ވަނަ ދުވަހު ހިނގި އެކްސިޑެންޓްގައި މަރުވެފައި ވަނީ ބަނގުލަދޭޝްގެ ރައްޔިތެއް ކަމުގައިވާ ޖާވިދު ޗައުދަރީ (30އަހަރު) ކަމަށެވެ. އޭނާ މަރުވާން ދިމާވީ، ހައިވޭގެ އަރިމަތީގައި ބަހައްޓާފައިވާ ކޯނެއްގައި އޭނާ ދުއްވި ސައިކަލު ޖެހި އޭނާ ވެއްޓުނު ވަގުތު އޭނާގެ ބޯމަތިން ދިޔަ ސައިކަލުގެ ސަބަބުން ލިބުނު ޒަޚަމްތަކާއި ގުޅިގެން ކަމުގައި ފުލުހުންގެ ބަޔާނުގައި ވަނީ ފާހަގަކޮށްފައެވެ.
10 Feb 2025
ޚަބަރު
ސްޓެލްކޯ ހިޔާގެ ޓަވަރެއް 9 ވަނަ ފަންގިފިލާއިން ވެއްޓި މީހަކު މަރުވެއްޖެ
ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 2ގައި ހުންނަ ސްޓެލްކޯ ހިޔާ ޓަވަރަކުން ވެއްޓި މަރުވެފައި ވަނީ، ހެންވޭރު ގިނިރާހި އާގޭ، އިބްރާހީމް ޝަރަފް (24އ)ކަމަށެވެ. އޭނާ އެ އިމާރާތުން ވެއްޓުނު ކަމަށް ބެލެވެނީ މިއަދު 16:00 ހާއިރުގައެވެ. އެހެން ނަމަވެސް ހާދިސާ ހިނގި ވަގުތެއް ފުލުހުން ހާމަކުރައްވާފައެއް ނުވެއެވެ.
10 Feb 2025
ޚަބަރު
މަޖިލީހުގެ ރައީސް ޢަބުދުއްރަޙީމް އިންޑިއާއަށް ވަޑައިގެންފި
ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވާ ގޮތުގައި، މި ދަތުރުފުޅަކީ، އިންޑިއާގެ ލޮކް ސަބާގެ ރައީސްއާއި ރާޖްޔަ ސަބާގެ ޗެއަރމަންގެ ދަޢުވަތަކަށް މިހިނގާ ފެބްރުވަރީމަހުގެ 10 އިން 14 އަށް އެމަނިކުފާނު އިންޑިއާއަށް ކުރައްވާ ދަތުރުފުޅެކެވެ. މިދަތުރުފުޅުގައި ޢަބްދުއްރަހީމްގެ އަރިހުގައި، މަޖިލީހުގެ އިތުރު 9 މެމްބަރަކު ބައިވެރިވެވަޑައިގަންނަވައެވެ.
10 Feb 2025
ޚަބަރު
ރޯދަމަހު އުމުރާއަށްދާ މީހުންނަށް ޑެބިޓްކާޑުން އިތުރު 1500 ޑޮލަރުގެ ބޭނުންކުރެވޭ ގޮތަށް ހަމަޖައްސައިފި
ރައީސުލްޖުމްހޫރިއްޔާ މިއަދު އެކްސްގައި ކުރެއްވި ޕޯސްޓްގައި ވިދާޅުވީ، 1446 ވަނަ އަހަރު (މިއަހަރު)ގެ ރަމަޟާންމަހު ޢުމްރާއަށްދާ މީހުންނަށް ބޭންކްގެ ރަސްމީ ރޭޓުގައި ޑޮލަރު ހޯދުމުގައި ލުއި ފަސޭހަ ޙައްލެއް ހަމަޖައްސައިދިނުމުގެގޮތުން، ކޮންމެ ޢުމްރާވެރިއެއްގެ ބޭންކް އޮފް މޯލްޑިވްސް ޑެބިޓް ކާޑަށް، މިހާރު އޮންނަ ޑޮލަރުގެ ލިމިޓުގެ އިތުރުން 1500 ޑޮލަރުގެ ލިމިޓެއް ހަމަޖައްސަވައި ދެއްވުމަށް ބޭންކް އޮފް މޯލްޑިވްސް އަށް އަދި MMA އަށް ދަންނަވަވާފައިވާ ކަމަށެެވެ.