ދުނިޔެއަށް އެންމެ ފަހުން ކުރިމަތިވި އައިސް އޭޖުގައި ނެތިި ފަނާވެގެން ދިޔަ ޖަނަވާރުތަކުގެ ތެރޭގައި ހިމެނޭ ގެރީގެ އާއިލާއަށް ނިސްބަތްވާ އެއް ޖަނަވާރަކީ، ސައިންސްވެރިން ސްޓެއްޕެ ބައިސަންގެ ނަން ދީފައިވާ ބިޔަ ޖަނަވާރެކެވެ. މި ޖަނަވާރުގެ ނަސްލު ދުނިޔެއިން މުޅިން ނެތިގެން ދިޔައީ، އެންމެ ފަހުން ދުނިޔެއަށް ކުރިމަތިވި އައިސް އޭޖުގައެވެ. ދުނިޔެ ފިނިގަދަ ގަދަވެގެންސް ގޮސް އެކީގައި ގަނޑުވުމާއި އެކު ދުނިޔޭގައި އޭރު ދިރިއުޅެމުން ދިޔަ އެތައް މިލިއަން ދިރުންތަކެއް ނެތިގެން ދިޔައެވެ.

މި ބައިސަން ފެނިފައި ވަނީ، 1979 ވަނަ އަހަރު އެލަސްކާގެ ފެއާބެންކްސްގައި ރަންނެގުމުގެ މަސައްކަތް ކުރަމުން ދިޔަ ބަޔަކަށެވެ. ސައިންސްވެރިން ބުލޫ ބޭބްގެ ނަމުން ނަންދީފައިވާ މިޖަނަވާރަކީ، ދުނިޔެއިން ފެނުނު އެންމެ ފުރިހަމައަށް ރައްކާތެރިވެފައި އޮތް މިފަދަ ޖަނަވާރެވެ. ސައިންސްވެރިންގެ ތަޙްލީލުތަކުން އެނގުނު ގޮތުގައި އެޖަނަވާރު ދުނިޔޭގައި އުޅެފައި ވަނީ މީގެ 55،000 އަހަރާއި، 36،000 އަހަރާއި ދެމެދުގެ އަހަރުތަކެއްގައެވެ. 

މިޖަނަވާރުގެ ހަށިގަނޑު މިހާރު އޮތީ، ޔުނިވާސިޓީ އޮފް އެލަސްކާ މިއުޒިއަމްގައި ދައްކާލަން ބާއްވާފައެވެ.