Hulhumale Hospital gai ICU hadhan STO aa havaalukohffi

Advertisement

ހުޅުމާލެ ހޮސްޕިޓަލްގެ އައިސީޔޫ ހުންނާނެ ގޮތުގެ ތްރީޑީ ފޮޓޯއެއް --

04 Jul 2023

ޚަބަރު

ޢަލީ ސުލައިމާން

ހުޅުމާލޭ ހޮސްޕިޓަލްގައި އައިސީޔޫ ހަދަން އެސްޓީއޯއާ ހަވާލުކޮށްފި

ހުޅުމާލެ ހޮސްޕިޓަލްގައި ބޮޑެތި މީހުންގެ އައިސީޔޫއަކާއި، ތުއްތު ކުދިންގެ އައިސީޔޫއެއް ހެދުމުގެ މަސައްކަތް މިއަދު އެސްޓީއޯއާ ހަވާލުކޮށްފިއެވެ.

މިމަޝްރޫޢުގެ އެއްބަސްވުމުގައި ސޮއެކުރުމުގެ ރަސްމިއްޔާތު ބާއްވާފައި ވަނީ، މިއަދު އެސްޓީއޯ ހެޑްއޮފީހުގައެވެ.

މިއެއްބަސްވުމުގައި އެސްޓީއޯގެ ފަރާތުން ސޮއިކުރެއްވީ، އެކުންފުނީގެ މެނޭޖިންގ ޑައިރެކްޓަރ މުހައްމަދު ސަޢީދެވެ. އަދި ހުޅުމާލެ ހޮސްޕިޓަލްގެ ފަރާތުން ސޮއިކުރެއްވީ، އެ ހޮސްޕިޓަލްގެ ސީއީއޯ މާރިޔާ ސަޢީދެވެ.

39 މިލިޔަން ރުފިޔާގެ މިމަޝްރޫޢު ނިންމުމަށް އެސްޓީއޯއަށް ދީފައި ވަނީ 204 ދުވަހުގެ މުއްދަތެކެވެ.

ހުޅުމާލޭ ހޮސްޕިޓަލުގައި މިހާރު އައިސީޔޫގެ ޚިދުމަތް ދެވެން ނެތުމާއި އެކު އައިސީޔޫގައި ފަރުވާދޭންޖެހޭ ބަލިމީހުންނާއި ކުޑަކުދިން އެހޮސްޕިޓަލުން ފޮނުވަނީ އެހެން ހޮސްޕިޓަލްތަކަށެވެ.

ހުޅުމާލެހޮސްޕިޓަލުން ހާމަކޮށްފައިވާ ގޮތުގައި ހުޅުމާލެ ހޮސްޕިޓަލްގައި އަލަށް ޤާއިމްކުރާ އައިސީޔޫއާ އެންއައިސީޔޫ އަކީ އެންމެ ޒަމާނީ ފެންވަރުގެ ޚިދުމަތް ދެވޭނޭ ގޮތަށް ފަރުމާކޮށްފައިވާ ތަނެކެވެ.

ޚަބަރު

ކޮމެންޓް

އިތުރު އާޓިކަލް

ރުކުމަޑި ކޮންޓްރޯލް ކުރުމުގެ ދިރާސާ މަސައްކަތްތައް ފަށައިފި

އެ ވުޒާރާއިން ވިދާޅުވީ، ދިވެހިރާއްޖޭގެ ރުއްތަކަށް ގެއްލުންދޭ މިމަޑި ކޮންޓްރޯލްކުރުމަށް ތިމާވެއްޓާއި ރައްޓެހި، އަދި ދެމެހެއްޓެނިވި ޙައްލެއް ހޯދުމަށް ދިވެހިރާއްޖެއަށް އެހީތެރިކަން ފޯރުކޮށްދިނުމަށް ޗައިނާ ސަރުކާރުން އެއްބަސްވެފައިވާ ކަމަށާއި އެކަމުގެ ފަންނީ އެހީ ފޯރުކޮށް ދިނުމަށް ބޭނުންވާ ދިރާސާތަކުގެ މަސައްކަތް މިހާރު ފަށާފައިވާ ކަމަށެވެ.

ފްރާންސްމީހާގެ އާއިލާ ރާއްޖެއިން ފޮނުވާލާތީ ފާޑުކިޔަނީ

އޭނާގެ މައްސަލަ މީޑިއާގައި ފެންމަތިވުމުން، ބައެއް އާއްމުން ވަނީ، އެމީހާ އާއި އާއިލާ ރާއްޖޭގައި ވަޒަންވެރިވެ ދިރިއުޅުމަށް ފުރުޞަތު ދިނުމަށް ގޮވާލާފައެވެ. އެމީހާ އަނބުރާ ފްރާންސަށްދާން ބޭނުން ނުވަނީ، އޭނާ ހައްޔަރުކޮށް ޖަލަށްލައިފާނެތީތަކުގައި ބުނެފައިވެއެވެ.

ފެށޭ އަހަރު މަހިބަދޫގައި 100 ހައުސިންގ ޔުނިޓް އެޅުމުގެ މަސައްކަތް ފެށޭނެ - ރައީސް

އެމަނިކުފާނު މިހެން ވިދާޅުވީ، އަރިއަތޮޅު ދެކުނުބުރީގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގައި، މަހިބަދޫ ރައްޔިތުންނާ އިއްޔެ ބައްދަލުކުރައްވައި ދެއްކެވި ވާހަކަފުޅުގައެވެ. ރައީސުލްޖުމްހޫރިއްޔާ ވިދާޅުވި ގޮތުގައި، އަންނަ އަހަރު މަހިބަދޫގައި އަޅާ 100 ހައުސިންގ ޔުނިޓް އިމާރާތްކުރާ ނީ މިހާރު ހަދާފައިވާ ލޭންޑްޔޫސް ޕްލޭނާއި އެއްގޮތަށް މިހާރު އެރަށުގައި އޮތް ބިމުގައެވެ. އަދި އެރަށުގެ އިޙްތިސާސްގެ ތެރޭގައި ހިމަނުއްވާފައިވާ މާފަރުފަޅު ހިއްކައި ތަރައްޤީކޮށްދެއްވާނެކަމުގައިވެސް ވިދާޅުވިއެވެ.

ސީ.އައި.ޑީ.ސީ.އޭ ފޯރަމްގައި ނައިބު ރައީސް ތަޤުރީރު ކުރައްވާނެ

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީ.އައި.ޑީ.ސީ.އޭ)އިން އިންތިޒާމްކޮށްގެން ބާއްވާ މި ފޯރަމްގެ މަގުސަދަކީ މޫސުމަށް އަންނަ ބަދަލުތަކާއި، ދެމެހެއްޓެނިވި ތަރައްޤީ ހިމެނޭ ގޮތަށް ނޫ އިޤްތިޞާދުގެ އެކި ކަންކަމަށް ސަމާލުކަންދީގެން، ޗައިނާއާއި އިންޑިއާ ކަނޑުގެ ސަރަޙައްދުގެ ޤައުމުތަކުގެ މެދުގައި އެއްބާރުލުން އިތުރުކުރުމެވެ.