ކުޑަ ކަމަކުން ވެސް ގިނަ ދަރުމަ ހޯދިދާނެއެވެ.

"ނޫން.އެމްވީ" ގެ "ރޯދައާ ހެޔޮ އަމަލު"ގެ ފަނަރަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ހެޔޮކަންކަމަށް މަގުދެއްކުމާ ގުޅޭ ގޮތުންނެވެ.

ކީރިތި ރަސޫލާ ޙަދީޘްކުރައްވަނީ;

مَن دَلَّ علَى خَيْرٍ فَلَهُ مِثْلُ أَجْرِ فَاعِلِهِ

މާނައީ: "ހެޔޮކަމަކަށް މަގުދެއްކި މީހާ ދަންނައެވެ! ފަހެ އޭނާއަށް އެ ހެޔޮކަމެއް ކުރި މީހާގެ އަޖުރު ވެއެވެ." 

ލޮބުވެތި މުސްލިމް އަޚުންނާ އުޚްތުންނޭވެ. މި ޒަމާނުގައި މިއީ ކިހާ ފަސޭހަކަމެއްތޯއެވެ. ގިނަ މީހުންނަކީ މީސް މީޑިއާގެ ވަޞީލަތްތައް ބޭނުންކުރާ މީހުންނެވެ. އެފަދަ ވަޞީލަތްތަކުން ޢިލްމު ފަތުރާނަމަ، އެތައް ބަޔަކަށް ރަނގަޅު ގޮތް އެނގިގެންދާނެއެވެ. އަދި އެއާ އެއްގޮތަށް ގިނަ ބަޔަކު ޢަމަލުކުރާނެއެވެ. ނަތީޖާއެއްގެ ގޮތުން އެ ޢިލްމު ފެތުރުމުގައި ބައިވެރިވި ކޮންމެ މީހަކަށް އެއާ އެއްގޮތަށް ޢަމަލުކުރަމުންދާ މީހުންނަށް ލިބިގެންދާ ސަވާބާ ދަރުމަ ލިބިލިބި ހުންނާނެއެވެ. އެހެންކަމުން އަޅުގަނޑުމެންނަކީ މިކަމަށް ސަމާލުކަންދޭ ބަޔަކަށް ވަމާތޯއެވެ.

މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށް ވީޑިއޯ ޕްލޭ ކުރައްވާ!