Advertisement
ފައިސާނެތި ކުރެވޭނެ ޞަދަޤާތެއް އެނގިލައްވައިތޯ؟
ކުޑަ ކަމަކުން ވެސް ގިނަ ދަރުމަ ހޯދިދާނެއެވެ.
"ނޫން.އެމްވީ" ގެ "ރޯދައާ ހެޔޮ އަމަލު"ގެ ސާދަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ހިނިތުންވުމުން ލިބޭ ދަރުމާއާ ގުޅޭ ގޮތުންނެވެ.
ކީރިތި ރަސޫލާ ޙަދީޘް ކުރައްވަނީ؛
«تَبَسُّمُكَ فِي وَجْهِ أَخِيكَ صَدَقَةٌ»
މާނައީ: "ތިބާގެ އަޚާއަށް ހިނިތުންވުމަކީ ޞަދަޤާތެކެވެ."
ލޮބުވެތި މުސްލިމް އަޚުންނާއި އުޚްތުންނޭވެ! ކޮންމެ ދުވަހަކު ޞަދަޤާތްކުރާނެހާ ފައިސާ އަޅުގަނޑުމެން އަތުގެ ނުހުރެދާނެއެވެ. އެކަމަކު ހަމަގައިމުވެސް ހިނިތުން ވުމަކީ އަޅުގަނޑުމެންނަށް ކުރެވިދާނެ ކަމެކެވެ. އޭގެ ސަބަބުން އެތައް ޞަދަޤާތެއްގެ ސަވާބާއި ދަރުމަ އަޅުގަނޑުމެންނަށް ލިބިގެންދާނެއެވެ. އެހެންކަމުން ވީ މިންވަރަކުން މިކަމަކަށް ޚާއްޞަ ސަމާލުކަމެއް ދެމާތޯއެވެ.
މި މަޢުޟޫޢުއާ ގުޅޭގޮތުން ޝެއިޙް ދެއްކެވި ވާހަކަ އަޑު އެއްސެވުމަށް ވީޑިއޯ ޕްލޭ ކުރައްވާ!
