Advertisement

28 Mar 2024
ލައިފްސްޓައިލް

'ސޫޓީ' ބްރޭންޑްގެ ހިޖާބު އަޅާނެ ގޮތް

'ޗާލު' ޕްރޮގްރާމަކީ 'ނޫން.އެމްވީ' އިން އެކްސްކުލޫސިވް ކޮށް ގެނެސްދޭ ލައިފް ސްޓައިލްސް އަށް ހާއްސަ ޕްރޮގްރާމެކެވެ. އެކި ސެގްމަންޓުތަކަށް ބަހާލައިގެން ގެނެސްދޭ މި ޕްރޮގްރާމްގެ އެންމެ ފުރަތަމަ ސެގްމަންޓުގައި ހިމެނެނީ އެކިއެކި މުނާސަބާތަކާއި ގުޅުވައިގެން އަމިއްލައަށް ގޭގައިވެސް ވަރަށް ރީއްޗަށް ހިޖާބު އެޅިދާނެ ސްޓައިލްތަކަކަށެވެ. މި ސެގްމަންޓުގެ ފަހު ވީޑިއޯގައި ސްޓައިލްތައް ގެނެސްދީފައިވަނީ ޕްރޮގްރާމްގެ ހޮސްޓު، މަޝްހޫރު މޭކަޕް އާޓިސްޓު އަދި ހިޖާބު ސްޓައިލިސްޓު ރިޒްނާ އަހުމަދެވެ.

މި އެޕިސޯޑުގައި މޮޑެލްއެއްގެ ގޮތުގައި ބައިވެރިވެފައިވަނީ އިންސްޓަގްރާމްގައި މަޝްހޫރު މޮޑެލްއެއްކަމުގައިވާ ޝަފްއެވެ. އާއްމު ނަމުންނަމަ ކެޝުއަލް ކުއީން އެވެ. މި ވީޑިއޯގައި ސްޓައިލް ކުރުމަށް ބޭނުންކޮށްފައިވަނީ ރާއްޖޭގައި މަޝްހޫރު ހިޖާބު ބްރޭންޑެއްކަމުގައިވާ 'ސޫޓީ' ބްރޭންޑްގެ ހިޖާބެވެ. މިއީ ރާއްޖޭގެ ފުރަތަމަ ލަގްޒަރީ ހިޖާބު ބްރޭންޑެވެ. ފުރަތަމަ ސްޓައިލިންގައި މޮޑެލް އެޅުމަށް ބޭނުންކޮށްފައިވަނީ ޕްރެމިއަމް ޝިފޯން މެޓީރިއަލްގެ ޝޯލްއެކެވެ. މި ވީޑިއޯގައި ސޭފްޓީ ޕިން ނުވަތަ ދަތީގެ ބަދަލު ރިޒްނާ ބޭނުންކޮށްފައިވަނީ އާއްމުންގެ ތެރޭގައި މިހާރު މަޝްހޫރު މެގްނެޓް ޕިންސްއެވެ. މި ސްޓައިލަކީ ޔަގީނުންވެސް ގިނަބަޔަކަށް ކަމުދާނެ ޗާލު ސްޓައިލެކެވެ.

މި ވީޑިއޯގައި ދެވަނަ ސްޓައިލަކަށް ރިޒްނާ ގެނެސްދީފައިވަނީ މިހާތަނަށް ޗާލުގައި ގެނެސްދޭ އެންމެ ތަފާތު ވަރަށް ބަލައިގެން އަޅަންޖެހޭ ރީތި ހިޖާބު ސްޓައިލެކެވެ. މިއީ ތަންކޮޅެއް ބޮޑު އެކްސްޓްރަރ ސްޓައިލެއްކަމުން ރިޒްނާ ބުނީ ކުޑަކޮށް ކެތްތެރިކަން ވެސް ބޭނުންވާނެކަމަށެވެ. އެހެން ރިޒްނާ ބުނެފައިވަނީ މި ސްޓައިލްގައި ބޯ މައްޗަށް ރީތި ގިނަ ރޫތަކެއް ވަރަށް ބަލައިގެން އެއްވަރަކަށް ނަގާފައި ވާތީއެވެ. އަދި މި ރޫތައް ނަގަން ޖެހުމުގެ ސަބަބުން އެހެން ސްޓައިލްތަކާ ހިލާފަށް މި ސްޓައިލްގައި ގިނައިން ޕިން ބޭނުންކުރަން ޖެހެއެވެ.

ރިޒްނާ އިތުރަށް ބުނީ މި ސްޓައިލަކީ ބްރައިޑަކަށް ވެސް ވަރަށް ގުޅިދާނެ ސްޓައިލެއްކަމަށާއި ހާއްސަކޮށް، ފޯމަލް އިވެންޓްތަކަށް ދިގުހެދުން ލާއިރު ވަރަށް ގުޅޭނެ ހިޖާބު ސްޓައިލެއް ކަމަށެވެ. ވީމާ، މިފަދަ ފޯމަލް އިވެންޓްތަކަށް ދާ ފަރާތްތަކުން މި ވީޑިއޯ ބަލާލައިގެން ހިޖާބް ސްޓައިލްކޮށްލަން ވަރަށް ފަސޭހަވާނެއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.