Advertisement

ހޯ ވޭން ތަންގެ ދެބަފައިން ޖަންގަލިން ނެރެނީ --

28 Mar 2024
ލައިފްސްޓައިލް
ޢަލީ ސުލައިމާން

އެމެރިކާއިން ބޮން އަޅާތީ ފުރާނަ ސަލާމަތް ކުރަން ޖަންގައްޔަށް ވަތް ދެބަފައިން ފެނުނީ 40 އަހަރު ފަހުން!

އިންސާނިއްޔަތާއި ޚިލާފު އެންމެ ހުތުރު އަދި އެންމެ އަނިޔާވެރި ޖަރީމާތައް ހިންގާފައިވާ ޤައުމަކީ، އެމެރިކާ ކަމީ މިޒަމާނުގެ ތާރީޚުން ފެންނަން އޮތް އެންމެ ހަޤީޤަތެވެ. އަދި އެތައް މިލިޔަން ކުށެއްނެތް އާއްމުން އެންމެ ގިނައިން މެރި ޤައުމަކީވެސް އެމެރިކާ ކަމުގައި ވާނެއެވެ. 

ގެއްލުންދެނިވި ބޮޑެތި ހަނގުރާމަތައްކޮށް ނާކާމިޔާބީއާ ކުރިމަތިވެފައިވާ ޤައުމަކީވެސް އެމެރިކާއެވެ. 

އެމެރިކާއަށް ނާކާމިޔާބީއާ ކުރިމަތިވެ 1973 ވަނަ އަހަރު، ވިއެޓްނާމް ހަނގުރާމަ އެމެރިކާއިން ހުއްޓާލި އިރު، ވިއެޓްނާމްގެ އެތައް މިލިއަންބައެއްގެ ފުރާނަ ވަނީ ގެއްލިފައެވެ.

ހޯ ވޭން ތަންއަކީ، 1973 ވަނަ އަހަރު އެމެރިކާއިން ދިން ވައިގެ ހަމަލާއެއްގައި އޭނާގެ ގެދޮރު ހަލާކުވެ އާއިލާގެ އެތައް ބަޔަކު މަރުވުމުން، ފުރާނަ ސަލާމަތް ކުރަން އޭރު އުމުރުން އެންމެ 1 އަހަރުގެ ތުއްތު ފިރިހެންދަރިފުޅު އަތްދަނޑިމައްޗަށް ލައިގެން ދުވެގޮސް ޖަންގައްޔަށް ވަތް މީހެކެވެ. ހަނގުރާމައިގެ ބިރަށް، އޭނާގެ ޙަޔާތާއި އޭނާގެ ދަރިފުޅުގެ ޙަޔާތުގެ 40 އަހަރު އެމީހުން ހޭދަކުރީ، ޖަންގަލީގެ ގަހެއްގައި ކުޑަ ޖިފުޓިއެއް ހަދައިގެން އޭގެ ތެރޭގައެވެ.

އެމީހުން ކައިއުޅުނީ ޖަންގަލީގެ ތެރޭން ލިބޭ ތަފާތު ބާވަތް ބާވަތުގެ ރޯމޭވާ އާއި އެނޫންވެސް އެފަދަ ކާނާއެެވެ.

ހޯ ވޭން ތަން އެންމެ ފަހުން އޭނާގެ އަވަށުގެ މީހުންނަށް ފެނުނީ، އެމެރިކާއިން ދިން ވައިގެ ހަމަލާއެއްގައި އޭނާގެ ގެ ސުންނާފަތިކޮށްލުމުން، އެއްހަރުގެ ތުއްތު ކުއްޖާ ހޯވޭން ލަންގް އޭނާގެ އަތްދަނޑިމައްޗަށް ލައިގެން ފުރާނަ ސަލާމަތް ކުރަން ދުވަނިކޮށެވެ. އޭގެ ފަހުން އެދެބަފައިންނަށް ވީގޮތެއް އަވަށުގެ އެއްވެސް މީހަކަށް އެނގިފައި ނުވާތީ، ކަމާއި ބެހޭ ފަރާތްތަކުން ހޯ ވޭން ތަންގެ ދެބަފައިންނަކީ މަރުވެފައިވާ ބައެއް ކަމުގައި ވަނީ ނިންމާފައެވެ.

އެހެން ނަމަވެސް 2013 ވަނަ އަހަރު، ވިއެޓްނާމްގެ ޖަންގަލިތެރޭގައި ހުރި ގަހެއްގައި ހަދާފައިވާ ކުޑަ ހަޓެއްގައި މިދެބަފައިން ދިރިއުޅެނިކޮށް ފެނުމުން ކަމާއި ބެހޭ ފަރާތްތަކަށް ލިބުނީ ޝޮކެކެވެ. އެދެބަފައިން ފެނުނު އިރު، ހޯ ވޭން ތަންގެ އުމުރުން 81 އަހަރުވެ، މުސްކުޅިވުމުގެ ސަބަބުން އޭނާ އޮތީ ބަލި ތަންމަތީގައެވެ.

ހޯ ވޭންގެ ދެބަފައިން ޖަންގަލިން ނެރެ، ހޯ ވޭން ތަން ހޮސްޕިޓަލްގައި އެޑްމިޓް ކުރެވުނެވެ. އަދި އުމުރުން 41 އަހަރު ވެފައިވާ ހޯ ވޭން ލަންގް އޭނާގެ ތިމާގެ މީހަކާއި ހަވާލުކުރެވުނެވެ.

ޖަންގަލީގައި ހޯ ވޭން ލަންގް 40 އަހަރު ދިރިއުޅުނީ އޭނާގެ ބައްޕަޔާއި އެކުގައި އެހެން އިންސާނުންނާއި ވަކީން އެކަހެރިކޮށެވެ. އެހެންވެ އޭނާއަކީ ހަޤީޤީ ދިރިއުޅުމުގައި ވިއެޓްނާމްގެ ތާޒަންގެ ނަމުން މުޚާތަބު ކުރެވޭ މީހާއެެވެ.

ބައްޕަ މަރުވުމަށްފަހުގައި، ހޯ ވޭން ލަންގް ދިރިއުޅެމުން ދަނީ، އޭނާގެ ކޮއްކޮއަކާއި އެކު ވިއެޓްނާމްގެ ގުއާންގް ނަގައި ޕްރޮވިންސްގައެވެ. 

ބައްޕަޔާއިއެކު 40 އަހަރު އެކު އުޅުނު ހޯ ވޭންގް ލަންގްއަށް ބައްޕަ މަރުވުމުންނާއި، ޖަންގަލީގެ ދިރިއުޅުން ދޫކޮށްލަން ޖެހުމުން ނަފްސާނީ އަސަރުތައް ކުރިއެވެ.

ހޯ ވޭން ތަން އޭނާގެ ދަރިފުޅާއިއެކު ޖަންގަލީގައި ދިރިއުޅޭތާ 40 އަހަރު ފަހުން ފެނުނު އިރުވެސް އެމީހުން ހީކޮށްގެން ތިބީ، ހަނގުރާމަ ނުހުއްޓި ހިނގަމުންދާކަމަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.