ކަނޑުގެ ފޮނުގަނޑާ އެއްފަދައިން ހުރި ފާފަތަކެއް ފޮހެވޭނެ ކުޑަ އަމަލެއް އެނގިލައްވައިތޯ؟
ކުޑަ ކަމަކުން ވެސް ގިނަ ދަރުމަ ހޯދިދާނެއެވެ.
"ނޫން.އެމްވީ" ގެ "ރޯދައާ ހެޔޮ އަމަލު"ގެ ތޭރަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ سبحان اللهِ وبحمدِه މި ޛިކުރު ކޮންމެ ދުވަހަކު ސަތޭކަ ފަހަރު ކިޔުމާ ގުޅޭގޮތުންނެވެ.
މި ޛިކުރު 100 ފަހަރު ކިޔުމުން ޙާޞިލްވަނީ ކޮންކަމެއްކަން އެނގިލައްވާތޯ؟
ކީރިތި ރަސޫލާ ޙަދީޘްކުރައްވަނީ
غُفرَتْ له ذنوبُه وإنْ كانتْ مثلَ زبَدِ البحرِ
މާނައީ: " ކަނޑުގެ ފޮނުގަނޑާ އެއްފަދައިން ފާފަތައް ހުރި ކަމުގައި ވިޔަސް އެމީހެއްގެ ފާފަތައް ފުހެވޭހުއްޓެވެ."
ލޮބުވެތި މުސްލިމް އަޚުންނާ އުޚްތުން! އަޅުގަނޑުމެން ކޮންމެ މީހަކީ ވެސް ފާފަތައް ކުރެވޭނެ މީހެކެވެ. އެ ފާފަތަކުން ޠާހިރުވާން ބޭނުންވާނެ މީހެކެވެ. އެހެންކަމުގައި ވާނަމަ، މިފަދަ ކުޑަކަމަކުން ވެސް މިފަދަ ބޮޑުކަމެއް ޙާޞިލުކުރެވެން އޮތްއިރު މިކަމާމެދު ފަރުވާކުޑަނުކުރަމާތޯ؟