ވައިގެ ދަތުރުފަތުރަށް އައި އިންޤިލާބީ ބަދަލާއި އެކު ދުނިޔޭގެ ދުރު ގާތްވެ، ދަތުރަކަށް ހޭދަކުރަންޖެހޭ ވަގުތު ކުޑަތަން ވިއެވެ. 15ވަނަ ޤަރުނުގައި އެއް އަހަރުން ދަތުރު ކުރެވުނު ތަންތަނަށް މިހާރު އެއް ދުވަހުން ދެވެއެވެ. އެހެން ނަމަވެސް އަދިވެސް ދަތުރުފަތުރުގެ ދަތިކަމާއި އުނދަގޫކަމުގެ ވާހަކަ އިންސާނުން ހުއްޓައެއް ނުލައެެވެ.

ވައިގެ ދަތުރުފަތުރާއި އެކު މިހާރު ދުނިޔޭގެ އެންމެ ދުރު ޤައުމުތަކަށްވެސް، މަދުވެގެން 24 ގަޑިއިރުގެ ތެރޭގައި އެއްޤައުމުން އަނެއް ޤައުމަށް ދަތުރު ކުރެވޭނެއެވެ. އެހެން ނަމަވެސް ދިގު ފްލައިޓް ދަތުރެއް ކުރަން ޖެހުމަކީ ވަރަށް ގިނަ މީހުންގެ ޝަކުވާއެކެވެ.

ދުނިޔޭގެ ވައިގެ ދަތުރުފަތުރު ކުރެވޭ މަންޒިލްތަކުގެ ތެރެއިން އެންމެ ދިގު ދަތުރެއް ކުރަން ޖެހެނީ، އެމެރިކާގެ ނިއުޔޯކް ސިޓީން، ސިންގަޕޫރަށެވެ. އެއީ އެހެން ޤައުމަކަށް މަޑުނުކޮށް މަތިންދާ ބޯޓުގައި މިހާރު ކުރެވޭ އެންމެ ދިގު ދަތުރެވެ.އެމެރިކާގެ ނިއުޔޯކް ސިޓީން، ސިންގަޕޫރަށް ޑައިރެކްޓް ފްލައިޓްގައި ކުރާ ދަތުރުގެ ދިގު މިނަކީ، 18 ގަޑި އިރާއި 45 މިނިޓެވެ. ދެން އެންމެ ދިގު ދަތުރެއް ކުރަން ޖެހެނީ، ސްވިޒްލެންޑްގެ އޯކްލޭންޑުން ޤަތަރުގެ ދޯހާއަށެވެ. އެފްލައިޓްގެ ދިގުމިނަކީ، 17 ގަޑި އިރާއި 40 މިނިޓެވެ.

Advertisement

ތިންވަނައަށް އެންމެ ދިގު ދަތުރެއް ކުރަންޖެހެނީ، އެމެރިކާގެ ހޮސްޓަން އިން އޮސްޓްރޭލިއާގެ ސިޑްނީއަށެވެ. އެދަތުރުގެ ދިގުމިނަކީ، 17 ގަޑިއިރާއި 30 މިނިޓެވެ.

ފްލައިޓްގައި ދިގު ދަތުރުތައް ކުރަން ޖެހުމަކީ، އަދިވެސް މީހުން ބޭނުންވާ ކަމެއް ނޫނެވެ. އެހެން އާއީޖާދުތައް ކުރުމަށް ބޭނުންވާ ފަރާތްތަކުން ދަނީ ދަތުރު ފަތުރު ކުރުމުގެ މިއަށްވުރެވެސް އަދި އަވަސް ގޮތްތައް ހޯދުމަށް މަސައްކަތް ކުރަމުންނެވެ.