Advertisement

ނިލަންދޫ އެއާޕޯޓު އެޅުމަށް ބިންހިއްކުމުގެ މަސައްކަތް އެމްޓީސީސީ އާއި ހަވާލުކުރުމުގެ ރަސްމިއްޔާތުގެ ތެރެއިން --

28 Mar 2024
ޚަބަރު
ޢަލީ ސުލައިމާން

މަގޫދޫ އެއާޕޯޓުގެ މަސައްކަތް ބާއްވާފައި ނިލަންދޫ އެއާޕޯޓުގެ މަސައްކަތާއި އެމްޓީސީސީން ހަވާލުވެއްޖެ

ފ. ނިލަންދޫގައި އެއާޕޯޓް އެޅުމަށް ބިން ހިއްކުމުގެ މަސައްކަތާއި އެމްޓީސީސީން ހަވާލުވެއްޖެއެވެ.

އިއްޔެ ކޮންސްޓްރަކްޝަން މިނިސްޓްރީގައި ބޭއްވި ރަސްމިއްޔާތެއްގައި، އެމަސައްކަތް އެމްޓީސީސީއާ ހަވާލުކުރުމުގެ އެ އެއްބަސްވުމުގައި ސޮއިކުރެއްވީ ކޮންސްޓްރަކްޝަން މިނިސްޓަރު ޑރ. އަބްދުﷲ މުއްޠަލިބާއި އެމްޓީސީސީގެ ސީއީއޯ އަބްދުﷲ ޒިޔާދެވެ.

ނިލަންދޫގައި، އެއާޕޯޓު އެޅުމުގެ މަސައްކަތުގެ ބިންހިއްކުމާއި އެމްޓީސީސީން ހަވާލުވި އިރު، އެރަށާއި ޖެހިގެން އޮތް ފ. މަގޫދޫގައި ކުރީގެ ސަރުކާރުން އަޅަންފެށި އެއާޕޯޓުގެ މަސައްކަތުގެ ބިންހިއްކުމުގެ މަސައްކަތާއި އެއާޕޯޓު ތަރައްޤީކުރުމުގެ މަސައްކަތް ކުރަމުން ދިޔައީވެސް އެމްޓީސީސީންނެވެ. މަގޫދޫއަކީ އެމްޑީޕީގެ ތާއީދު ބޮޑު ރަށަކަށް ވާއިރު، ނިލަންދޫއަކީ ޕީޕީއެމް ޕީއެންސީއަށް ތާއީދު ބޮޑު ރަށެކެވެ.

ފ. އަތޮޅުގެ ވެރިކަން ކުރިން ކުރި ރަށަކީ މަގޫދޫ ކަމަށް ވާއިރު، އެރަށުން ނިލަންދޫއަށް ވެރިކަން ބަދަލުކޮށްފައި ވަނީ އޭރު އަތޮޅުވެރިއަކަށް ހުންނެވި، ބޭފުޅާއިގެ ނުފޫޒުން ރައީސް މައުމޫނުގެ ސަރުކާރުގެ ދުވަސްވަރުގައެވެ. އެކަމުގެ ސަބަބުން ދެރަށުގެ ރައްޔިތުންގެ މެދުގައި ނަފްރަތާއި ރުޅިވެރިކަމާއި ބައިބައިވުން އޮތީ އުފެދިފައެވެ. 

ޖެހިގެން އޮތް މަގޫދޫގައި، އެއާޕޯޓު އެޅުމުގެ މަސައްކަތް ހިނގަމުން ދަނިކޮށް، ރިޔާސީ އިންތިޚާބުގެ ކެމްޕޭނުގެ ތެރޭގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިލަންދޫއަށް ވަޑައިގެން އެރަށުގައި އެއާޕޯޓު އަޅުއްވައި ދެއްވާނެ ކަމުގެ ވަޢުދުވެވަޑައިގެންނެވިއެވެ. ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި، ރައީސުލްޖުމްހޫރިއްޔާގެ އާއިލީ ކޮއްކޯފުޅު، ފާޠިމަތު ސަޢުދާ ވާދަކުރައްވަނީ ނިލަންދޫ ދާއިރާއަށެވެ.

މަގޫދޫ އާއި ނިލަންދޫ އާއި ދެމެދު ސްޕީޑް ލޯންޗުގައި ކުރަންޖެހެނީ ފަސްވަރަކަށް މިނިޓްގެ ދަތުރެކެވެ. އަދި ސަރުކާރު ބަދަލުވި އިރު މަގޫދޫ އެއާޕޯޓުގެ ބިންހިއްކުމުގެ މަސައްކަތުގެ ބޮޑު ބައެއް ނިމިފައި އޮތް ނަމަވެސް މިހާރު އެޕްރޮޖެކްޓް ކުރިޔަށް ގެންދިޔުމަށް އެމްޓީސީސީން މާބޮޑު އަހައްމިޔަތު ކަމެއް ނުދޭ ކަމަށާއި މަޝްރޫޢު އޮތީ މަޑުޖެހިފައި ކަމަށްވެސް މަގޫދޫ ކައުންސިލުން ވިދާޅުވެއެވެ. އެހެން ނަމަވެސް ކޮންސްޓްރަކްޝަން މިނިސްޓަރ ވިދާޅުވެފައި ވަނީ،  މަގޫދޫ އެއާޕޯޓުގެ މަސައްކަތް ހުއްޓާލުމަށް ސަރުކާރުން އެމްޓީސީސީއަށް އަންގާފައި ނުވާނެ ކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.