Advertisement
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު --
ސަލާމަތީ މަޖިލީހުގެ ޤަރާރަށް ރައީސް މަރުޙަބާ ވިދާޅުވެއްޖެ
އިޒްރޭލުން ޣައްޒާއަށް ދެމުންގެންދާ ހަމަލާތައް ވަގުތުން ހުއްޓާލުމަށް ގޮވާލައި އދ. ގެ ސަލާމަތީ މަޖިލީހުން ފާސްކުރު ޤަރާރަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު މަރުޙަބާ ވިދާޅުވެ އެޤަރާރު ތަންފީޒް ކުރެއްވުމަށް ގޮވާލައްވައިފިއެވެ.
ރޭ ފާސްކުރި ޤަރާރަކީ، އިޒްރޭލާއި ދެކޮޅަށް ސަލާމަތީ މަޖިލީހުގައި ފާސްކުރެވުނު ފުރަތަމަ ޤަރާރެވެ. މި ޤަރާރު ފާސްކުރުމަށް އެމެރިކާއިން ވޯޓު ދީފައެއް ނުވެއެވެ.
މީގެ ކުރިންވެސް ސަލާމަތީ މަޖިލީހުން އެތައް ފަހަރަކު ޤަރާރުތައް ފާސްކުރުމަށް މަސައްކަތް ކުރި ކޮންމެ ފަހަރު އެމެރިކާއިން ވަނީ އެޤައުމަށް ލިބޭ ވީޓޯ ކުރުމުގެ ބާރުގެ ބޭނުންކޮށްގެން ޤަރާރުތައް ހުއްޓުވާފައެވެ.
ރައިސުލްޖުމްހޫރިއްޔާ، ޑރ. މުޙައްމަދު މުޢިއްޒު ވިދާޅުވީ، ހަމަލާތައް ބަދަލުކުރުން ހުއްޓުވުން މިހާރުވެސް ލަސްވެފައިވާ ކަމަށެވެ. އަދި ހަމަލާތައް ހުއްޓުވުމަށް ފާސްކުރެވުނު ޤަރާރަކީ، މިއީ ގާޒާގެ ރައްޔިތުންނަށް ކުޑަ ނަމަވެސް ލުޔެއް ލިބިގެން ދާނެ ކަމެއް ކަމުގައި، ރައީސުލްޖުމްހޫރިއްޔާ ވިދާޅުވިއެވެ.
އޮކްޓޫބަރު މަހުގެ 7 ވަނަ ދުވަހުން ފެށިގެން އިޒްރާއީލުން ޣައްޒާއަށް ދެމުން އަންނަ ހަމަލާތަކުގައި، މިހާތަނަށް 32000 ވުރެ ގިނަ މީހުން ޝަހީދުކޮށްލާފައި ވާއިރު ލައްކައަކަށްވުރެ ގިނަ މީހުން ވަނީ ޒަޚަމްވެފައެވެ.
