Advertisement
އެމެރިކާގައި ވެއްޓުނު ބުރިޖު --
އެމެރިކާގައި ބުރިޖެއް ވެއްޓި އެއްތައް ބަޔަކު މަރުވެއްޖެ
އެމެރިކާގެ ސިޓީއެއްކަމަށްވާ މޭރީ ލޭންޑްގެ ބަލްޓިމޯރގެ ބުރިޖެއް ވެއްޓި އެތައް ބަޔަކު މަރުވެއްޖެ ކަމަށް ބެލެވެން ފަށައިފިއެވެ.
ފްރާންސިސް ސްކޮޓް ކީ ބްރިޖު ވެއްޓިފައި ވަނީ އެބްރިޖުގައި، ކޯރުގެ ތެރެއިން ދަތުރުކުރި މުދާ އުފުލާ ބޯޓެއް ޖެހި ހިނގި އެކްސިޑެންޓްގައެވެ. އެބޯޓ ބްރިޖުގައި ޖެހުނީ ބޯޓުގައި އަލިފާން ރޯވެ ހިނގި ހާދިސާގެ ތެރެއިންނެވެ.
ބުރިޖު ވެއްޓުމުގެ ހާދިސާ ހިނގިކަން ރިޕޯޓްކޮށްފައި ވަނީ ރޭ މެންދަމު އެމެރިކާގެ ގަނޑިން 1:30 ގައެވެ.
Advertisement
ބަލްޓިމޯރ ފަޔަރ ޑިޕާޓްމަންޓްގެ ޑިރެކްޓަރ އޮފް ކޮމިއުނިކޭޝަންސް ކެވިން ކާޓްރައިޓް އެސޯސިއޭޓެޑް ޕްރެސްއަށް ވިދާޅުވީ މަދުވެގެން ހަތް މީހަކު ކޯރުގެ ތެރެއަށް އުޅަނދުތަކާއި އެކު ވެއްޓިފައިވާ ކަމަށް ބެލެވޭތީ އެމީހުން ހޯދުމުގެ މަސައްކަތް، ރެސްކިއު ޓީމް ތަކުން ކުރަމުންދާ ކަމަށެވެ.
ބްރިޖު ވެއްޓުނުވު ވަގުތަކީ، ބުރިޖުގެ މަތިން ގިނަ އުޅަނދުތަކެއް ދަތުރުކުރަމުން ދިޔަ ވަގުތެއް ކަމުން މިހާދިސާގައި މަރުވާ މީހުންގެ އަދަދު އިތުރުވެގެން ހިނގައިދާނެ ކަމުގެ ކަންބޮޑުވުންތައް ވަނީ އުފެދިފައެވެ.
ބުރިޖު ވެއްޓުނީ ބްރިޖުގެ މައި ތަނބެއްގައި ބޯޓު ޖެހުމުގެ ސަބަބުންނެވެ. ހާދިސާ އާއި ގުޅިގެން ކޯރުގެ ތެރެއަށް ވެއްޓުނު އުޅަނދުތަކާއި މީހުން ހޯދުމުގެ މަސައްކަތް ދަނީ ކުރަމުންނެވެ.
