Advertisement
ނިޝާމާ މުޙައްމަދު -- ޖުމްހޫރީ ޕާޓީގެ ކެންޑިޑޭޓު / ދާންދޫ ދާއިރާ.
ކެމްޕޭނަށް ޚަރަދު ކުރާނެ ފައިސާވެސް ނެތުމާއިއެކު ނިޝާމާ މަޖިލިސް އިންތިޚާބުގައި ވާދަކުުރުމުގެ ވިސްނުން ދޫކޮށްލައިފި
ވަގުތު ނެތުމާއި އަދި ފަންޑްވެސް ނެތުމާއެކު، އެދެވޭ ނަތީޖާއެއް ލިބިދާނެކަމަށް ނުދެކޭތީ ރައްޔިތުންގެ މަޖިލީހުގެ އިންތިޚާބަށް ޖުމުހޫރީ ޕާޓީގެ ޓިކެޓުގައި ދާންދޫ ދާއިރާގެ ގޮނޑިއަށް ކުރިމަތި ލެއްވި ނިޝާމާ އިންތިޚާބުގައި ވާދަކުރުމުގެ ވިސްނުން ދޫކޮށްލައްވައި އެކަން އިޢުލާނު ކުރައްވައިފިއެވެ.
މަޖިލިސް އިންތިޚާބުގައި ވާދަކުރުމުގެ ވިސްނުން ދޫކޮށްލައިފިކަން ހާމަކޮށް ނިޝާމާ ވިދާޅުވެފައި ވަނީ، އެދާއިރާއަށް، ޕީޕީއެމް ޕީއެންސީ ޓިކެޓްގައި ވާދަކުރައްވާ ކެންޑިޑޭޓަށް ތާއީދު ކުރެއްވުމަށް ނިންމަވާފައިވާ ކަމަށެވެ.
ނިޝާނާ ވިދާޅުވީ، އެންމެ މަސްލަހަތު ހަމަޖެހޭނެގޮތެއް ކަމަށް މިހާލަތުގައި އޭނާއަށް ވިސްނެނީ މަޖިލިސް އިންތިޚާބު 2024 ދާންދޫ ދާއިރާއަށް، ވާދަކުރާ ޕީޕިއެމް ޕީއެންސީގެ ކެނޑިޑޭޓަށް ނިޝާމާއަށް ތާއީދު ކުރާ ފަރާތްތަކުންވެސް ތާއީދު ކުރުން ކަމަށެވެ.
ރައްޔިތުންގެ މަޖިލީހުގެ އިންތިޚާބުގައި ވާދަ ނުކުރައްވާކަން ނިޝާމާ އިޢުލާނުކުރެއްވި ނަމަވެސް އޭނާއަށް ނަން އަނބުރާ ގެންދިޔުމަށް މިހާރަކު ފުރުޞަތެއް ނެތެވެ. ނިޝާމާއަކީ، ޖުމްހޫރީ ޕާޓީގެ ކެންޑިޑޭޓުންގެ ތެރެއިން އިންތިޚާބުގައި ވާދަނުކޮށް ދޫކޮށްލާކަން އިއުލާނުކުރި ފުރަތަމަ ކެންޑިޑޭޓެވެ.
