ބޭންކް އޮފް މޯލްޑިވްސް ޑިރެކްޓަރުންގެ ބޯޑުގެ ޗެއާޕާސަންގެ މަގާމަށް ޙަސަން ޒަރީރު ހަމަޖައްސަވައިފިއެވެ.

ޒަރީރު އެމަޤާމަށް ހަމަޖެއްސިކަން ހާމަކޮށް، ބޭންކް އޮފް މޯލްޑިވްސް ނެރުނު ނޫސްބަޔާނުގައި ބުނީ ޗެއާޕާސަންގެ މަގާމަށް ޒަރީރު އިންތިހާބު ކުރީ އެ ބޭންކުގެ އެކްސްޓްރާ އޯޑިނަރީ ޖެނެރަލް މީޓީން (އީޖީއެމް) އަށްފަހު ބޭއްވި ޑިރެކްޓަރުންގެ ބޯޑުގެ ބައްދަލުވުމެއްގައި ކަމަށެވެ.

ޒަރީރަކީ މީގެ ކުރިންވެސް ހިންގުމުގެ ދާއިރާގައި އިސް މަޤާމުތަކެއް ފުރުއްވާފައިވާ ބޭފުޅެކެވެ. މިގޮތުން، މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަޤާމު އޭނާ ފުރުއްވާފައިވެއެވެ.

ބޭންކުގެ އެކްސްޓްރާ އޯޑިނަރީ ޖެނެރަލް މީޓީންގައި ވަނީ، ބޭންކުގެ ޑިރެކްޓަރުންގެ ބޯޑަށް، ގ. ސިނަމާލެ 3 35-04، އަލީ ފާރިސް މުހައްމަދުވެސް އައްޔަނުކުރައްވާފައެވެ.