މިއަހަރުގެ އެޕްރީލް މަހު ބޭއްވުމަށްހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގެ ފައިނަލް ވޯޓަށް ރެޖިސްޓްރީ އިލެކްޝަންސް ކޮމިޝަނުން މިއަދު އާއްމުކޮށްފިއެވެ.

އެކޮމިޝަނުން ވިދާޅުވީ، ފައިނަލް ވޯޓާސް ލިސްޓް ސަރުކާރުގެ ގެޒެޓްގައި މިއަދު ޝާއިއުކޮށްފައިވާ ކަމަށެވެ.

ޝާއިއުކުރި ލިސްޓުގައި ވާގޮތުން، މިފަހަރުގެ އިންތިޚާބުގައި، 284،663 މީހުންނަށް ވޯޓު ދިނުމުގެ ހައްޤު ލިބިގެން ވެއެވެ. އޭގެ ތެރޭގައި އިންތިޚާބު ފަސްކުރުމުން، 561 މީހަކަށް އުމުރު ހަމަވެ ވޯޓުުލުމުގެ ފުރުޞަތު ލިބިފައިވެއެވެ.

ރައްޔިތުންގެ މަޖިލީހުގެ އިންތިޚާބުގައި ވޯޓުލުމަށް ރާއްޖެއިން ބޭރުގައި ބަހައްޓާ ފޮށިތައް ހިމެނޭހެން ޖުމުލަ 602 ވޯޓު ފޮށި ބަހައްޓާނެވެ. މިފަހަރުގެ އިންތިޚާބުގައި، 93 ދާއިރާކަށް މެމްބަރުން އިންތިޚާބު ކުރާއިރު، 369 ކެންޑިޑޭޓުން އިންތިޚާބުގައި ވާދަކުރުމަށް ހުށައަޅުއްވާފައިވެއެވެ.

މިއަހަރުގެ ރައްޔިތުންގެ މަޖިލީހުގެ އިންތިޚާބު ބޭއްވުމަށް ހަމަޖައްސާފައި ވަނީ، 21 އޭޕްރީލް 2024ވާ އާދީއްތަ ދުވަހުގައެވެ. އެދުވަހާއި އެދުވަހާއި ވިދިގެން އަންނަ އޭޕްރީލް 22 ވަނަ ދުވަހަކީ، ސަރުކާރު ބަންދު ދުވަސްތަކެއްގެ ގޮތުގައި ރައީސުލްޖުމްހޫރިއްޔާ ވަނީ ހަމަޖައްސަވާފައެވެ.