މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން ތިންވަނަ މީހަކު ނިޔާވެއްޖެއެވެ.

ރޭ ވަރަށް ކުއްލި ގޮތަކަށް ނިޔާވެފައި ވަނީ، ނ. ހޮޅުދޫ، އުދަރެސް، ޤާސިމް އިބްރާހީމް (70އ) އެވެ. އޭނާއަކީ މިއަހަރު މޯލްޑިވްސް ހައްޖު ކޯޕަރޭޝަނުގެ ހަވާލުގައި ހައްޖަށް ދިޔަ މީހެކެވެ. އޭނާ ނިޔާވިކަން އިސްލާމިކް މިނިސްޓްރީންނާއި، ހައްޖުކޯޕަރޭޝަނުންވެސް ކަށަވަރުކޮށްދީފައެވެ. މިއީ މިއަހަރު ހައްޖު ކޯޕަރޭޝަނުގެ ހަވާލުގައި ހައްޖަށް ދިޔަ މީހުންގެ ތެރެއިން ނިޔާވި 2 ވަނަ މީހާއެވެ.

މިއަހަރު ހައްޖަށް ދިޔަ މީހުންގެ ތެރެއިން އެންމެ ފުރަތަމަ ނިޔާވެފައި ވަނީ ރ. މާކުރަތު މީހެކެވެ. ހައްޖުވިލޭރޭއިން ފެށިގެން އޭނާ ގެއްލިގެން ހޯދަމުން ދަނިކޮށް، 4 ދުވަސް ފަހުން އޭނާ ފެނުނީ، ޖަބަލް ނޫރް ކައިރިއަށް ވެއްޓިފައި އޮއްވައެވެ.

މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން އެކެއްގެ ހާލު ސީރިއަސްވެ އަދިވެސް ހޮސްޕިޓަލުގައި އަންނަނީ ފަރުވާދެމުންނެވެ. މިއަހަރު ރާއްޖެއިް ހައްޖަށް ދިޔަ މީހުން އެނބުރި އަންނަން ފަށާނީ، މި ޖުލައި މަހުގެ 7 ވަނަ ދުވަހުންފެށިގެންނެވެ.