Advertisement

ރަޝިޔާގައި ޓެރަރިސްޓް ހަމަލާދިން ކްރޯކަސް ސިޓީ ހޯލުގެ ބޭރުގައި ސިފައިން ހަރަކާތްތެރިވަނީ ---

24 Mar 2024
ދުނިޔެ

މޮސްކޯގައި ދިން ހަމަލާ ހުޅަނގުގެ މީޑިއާއިން އައިއެސްއާ ގުޅުވާލައިފި

ރަޝިޔާގެ ވެރިރަށް މޮސްކޯގެ ކޯކަސް ސިޓީ ހޯލަށް ހަތިޔާރު އެޅި ފަސްމީހަކު ވަދެ ބަޑިންނާއި ޕެޓްރޯލްބޮމުން ދިން ހަމަލާތަކުގެ ޒިންމާ، އިސްލާމިކް ސްޓޭޓް އޮފް އިރާޤު އެންޑް ސީރިއާ (އައިއެސްއައިއެސް) ޖަމާޢަތުން އުފުލާފައިވާ ކަމުގައި ހުޅަނގުގެ މީޑިއާތަކުން ބުނެފިއެވެ.

ހުޅަނގުގެ މީޑިއާތަކުންނާއި ހުޅަނގުގެ ސޯޝަލްމީޑިއާ އޭޖެންޓުން ދަނީ، ރަޝިޔާގައި ދިން ހަމަލާގެ ޒިންމާ އައިއެސްއިން ނަގާފައިވާ ކަމަށް ބުނެ ޚަބަރުތައް ފަތުރާފައެވެ. އަދި ހަމަލާތައް ދިނުމުގައި ބައިވެރިވެފައި ވަނީ ޗެޗުނިޔާއަށް ނިސްބަތްވާ ބައެއް ކަމުގައިވެސް ބުނެފައިވެއެވެ.

އެހެން ނަމަވެސް ރަޝިޔާއިން ބުނެފައި ވަނީ، ހަމަލާދިން މީހުންގެ ތެރެއިން ބައެއް މީހުން އަތުލައިގަނެވިފައިވާ ކަމަށާއި، ހަމަލާއަށް ފަހުގައި އެމީހުން މަސައްކަތްކޮށްފައި ވަނީ، ފިލައިގެން ޔޫކްރެއިންގެ ތެރެއަށް ދިޔުމަށްކަމަށެވެ.

ރަޝިއާގައި ދިން ހަމަލާގެ ޒިންމާ އައިއެސްއިން އުފުލާފައި ވާއިރު، އެމެރިކާ އާއި އިޒްރޭލުން ވާގިވެރިވާ، ޔަހޫދީންގެ މެޖޯރިޓީ އޮންނަ ޔޫކްރެއިނާއި ދެކޮޅަށް، ރަޝިޔާއިން ކުރަމުން އަންނަ ހަނގުރާމައިގައި ރަޝިޔާ އާއި ދެކޮޅަށް އައިއެސްއިން ހަމަލާދޭން ޖެހެނީ ކީއްވެތޯ އާއި އައިއެސްގެ ދުޝްމިނުންނަކީ ކޮބައިތޯވެސް މީހުން ވަނީ ސުވާލު އުފައްދާފައެވެ.

އައިއެސް ޖަމާޢަތާއި، ރަޝިޔާގައި ދިން ހަމަލާ ގުޅުވާލާފައި ވާއިރު، އައިއެސްޖަމާޢަތާއި، އިޒްރޭލުގެ ޖާސޫސީ އިދާރާ މޮސާޑާއި ގުޅުން އޮންނަ ކަމަށްވެސް ތުހުމަތުތައް ކުރެވިފައިވެއެވެ.

މޮސްކޯގެ ކޯކަސް ސިޓީ ހޯލްއަށް ދިން ހަމަލާގައި، 130 ވުރެ ގިނަ މީހުން ވަނީ މަރުވެފައެވެ. 

ރަޝިޔާގެ ރަސްމީ އިދާރާތަކުން ހާމަކޮށްފައިވާ ގޮތުގައި ހަމަލާ ދިނުމުގައި ބައިވެރިވި 4 މީހަކާއި، ހަމަލާ އާއި ގުޅުން ހުރި ކަމަށް ތުހުމަތު ކުރެވޭ 7 މީހަކު މިހާރު ވަނީ ހައްޔަރުކޮށްފައެވެ.

ހަމަލާގެ ދެހަފްތާކުރިން ރަޝިޔާގައި ހުންނަ އެމެރިކާ އެމްބަސީން ވަނީ، މޮސްކޯގެ ކޮންސެޓެއްގައި ޓެރަރިސްޓް ހަމަލާއެއް ދީފާނެ ކަމަށް ބުނެ އެފަދަ ތަންތަނަށާއި އެއްވުންތަކުގައި ބައިވެރި ނުވުމަށް މޮސްކޯގައި ދިރިއުޅޭ އެމެރިކާގެ ރައްޔިތުންނަށް އަންގާފައެވެ. 

ކޮމެންޓް
އިތުރު އާޓިކަލް
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
02 Apr 2025
ޒަކާތު ހައުސް
ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް 5 ލައްކަ ރުފިޔާ ހަވާލުކޮށްފި
ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށް ފިޠުރު ޒަކާތުގެ ގޮތުގައި ލިބިފައިވާ ފައިސާއިން ފަސް ލައްކަ ރުފިޔާ އިސްރާ އެސޯސިއޭޝަންއާ ހަވާލުކޮށްފި
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށް: ރައީސް
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށްކަމަށް ރައީސް ވިދާޅުވެއްޖެއެވެ.
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތުގެ ވިޔަފާރި ދޫކޮށްލުމަށް ރައީސް އިލްތިމާސްކުރައްވައިފި
ރާއްޖޭގައި ދުންފަތުގެ ވިޔަފާރިކުރާ ފަރާތްތަކުން އެ ވިޔަފާރި ދޫކޮށްލައި، އެހެން ވިޔަފާރިއަކަށް ބަދަލުވުމަށް ރައީސުލްޖުމްހޫރިއްޔާ އިލްތިމާސްކުރައްވައިފިއެވެ.