ހުޅުމާލޭގެ ދެވަނަ ފިޔަވަހީގައި ބަހައްޓާފައިވާ ޓްރާންސްފޯމަރަކުން ވައްކަން ކުރަން އުޅުނު ކަމަށް ބެލެވޭ މީހަކު، ކަރަންޓުގައިޖެހި މަރުވެއްްޖެއެވެ.

ފުލުހުންގެ އިދާރާއިން ވިދާޅުވީ، އެމީހާ ކަރަންޓްގައި ޖެހިފައި ވަނީ، ހުޅުާލެ ފޭސް 2 ގެ ހިޔާގެ 3 ވަނަ ޓަވަރު ކައިރީގައި ހުރި ޓްރާންސްފޯމަރ ތެރޭގައި ކަމަށެވެ. އޭނާ އެތަނުގައި ވެއްޓިފައި އޮއްވައި ފުލުހުންނަށް ފެނިފައި ވަނީ ރޭގެ ފަތިހު، 4:07 ހާއިރުގައި ކަމަށްވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އެމީހާއަކީ އުމުރުން 27 އަހަރުގެ ދިވެހި ފިރިހެނެއް ކަމަށާއި އޭނާ ހުޅުމާލެ ގެންދިޔައިރުވެސް އޮތީ މަރުވެފައި ކަމުގައި ފުލުހުންނަށް ހޮސްޕިޓަލުން މައުލޫމާތު ދީފައިވާ ކަމަށެވެ.

ފުލުހުން ވިދާޅުވީ މައްސަލަ އިތުރަށް ތަޙްޤީޤު ކުރަމުންދާ ކަމަށެވެ.

ހުޅުމާލޭގައި ހިޔާޓަވަރާއި އެނޫންވެސް ސަރަހައްދުތަކުގައި ހުންނަ ޓްރާންސްފޯމަރުތަކުން ވައްކަން ކުރުމުގެ މައްސަލަތައް އިިތުރުވަމުން އަންނަކަން ސްޓެލްކޯއިންވެސް ވަނީ ފާހަގަ ކުރައްވާފައެވެ.