Advertisement

ޕްރިންސެސް އޮފް ވޭލްސް ކޭޓްމިޑްލްޓަން --

22 Mar 2024
ދުނިޔެ

އިނގިރޭސި ވަލީ އަހްދު ޕްރިންސް ވިލިއަމްގެ އަނބިކަބަލުން ކޭޓްއަށް ކެންސަރު ޖެހިއްޖެ

އިނގިރޭސި ވަލީ އަހްދު ޕްރިންސް ވިލިއަމްގެ އަނބިކަބަލުން ޕްރިންސެސް އޮފް ވޭލްސް ކޭޓްމިޑްލްޓަން ކެންސަރުގެ އާލާސްކަންފުޅަށް ފަރުވާ ހޯއްދަވަމުން ގެންދަވާ ކަމުގައި އެކަމަނާ އިއުލާނު ކުރައްވައިފިއެވެ.

އެކަމަނާ މިކަން އިޢުލާނު ކުރެއްވީ، އެކަމަނާގެ ޙާލަތު ބަޔާންކުރައްވައި، އަދި ފަރުވާގެ ކަންކަމުގެ މައުލޫމާތު ހިއްސާކުރައްވައި ދެއްވި ވީޑިއޯ ބަޔާނެއްގައެވެ.

ޕްރިންސެސް އޮފް ވޭލްސް ކޭޓްމިޑްލްޓަން --

އެކަމަނާގެ މެސެޖުގައި ވިދާޅުވީ، ޖެނުއަރީ މަހު ބަނޑުގެ އޮޕަރޭޝަނެއް ކުރައްވާފައިވާ ކަމަށާއި، އޮޕަރޭޝަން ކާމިޔާބު ކަމަށެވެ. އަދި ކީމޯތެރަޕީ ނަންގަވަމުން ގެންދަވާ ކަމަށާއި، އަދި މިއީ އެފަރުވާގެ ފުރަތަމަ ސްޓޭޖްކަމުގައިވެސް ކޭޓް ވިދާޅުވެފައިވެއެވެ.

މިހާތަނަށް ޝާހީ އާއިލާއިން ޕްރިންސެސް ކޭޓް މިޑްލްޓަންގެ ސިއްޙީ ޙާލަތާއި ގުޅޭ ގޮތުން ވާހަކަ ދައްކާފައެއް ނުވެއެވެ. އެހެން ނަމަވެސް ޖެނުއަރީ މަހު އެކަމަނާކުރެއްވި އޮޕަރޭޝަނަށްފަހު، އެކަމަނާ އަވަހާރަވެއްޖެ ކަމަށް ބުނެ ޝާހީ އާއިލާ އާއި ދެކޮޅު ފަރާތްތަކުން މީޑިއާގެ އެކި ޕްލެޓްފޯމްތަކުގައި ވާހަކަތައް ފަތުރާފައިވެއެވެ. 

ޕްރިންސެސް ކޭޓްގެ މެސެޖުގައި ބަލީގެ ކަންކަމާއި ފަރުވާގެ ކަންކަން އެއީ ޒާތީކަންކަމުގައި ގޮތުގައި ބާއްވައިގެން ކުރިޔަށް ގެންދިޔުމަށް މަސައްކަތް ކުރެއްވި ކަމުގައި ވިދާޅުވިއެވެ. އަދި ވަލީއަޙްދު ވިލިއަމްއާއި ޕްރިންސެސް ކޭޓްމިޑްލްޓަންގެ ތިންބޭފުޅުން ކަމުގައިވާ، ޕްރިންސް ޖޯޖް، ޕްރިންސެސް ޗާލޮޓް އަދި ޕްރިންސް ލުއީއަށް ހުރިހާ ކަމެއް ވެސް އެކުދިންނަށް އެކަށީގެންވާ ގޮތަކަށް ކިޔައިދީ، ބަލި ރަނގަޅުވާނެކަމުގެ ޔަގީންކަން ދޭން ވަގުތު ނެގި ކަމުގައިވެސް ކޭޓް ވިދާޅުވިއެވެ.

އިނގިރޭސި ރަސްގެފާނު ޗާލްސް 3 ވަނަ ވެސް ގެންދަވަނީ ޕްރޮސްޓްރޭޓް ކެންސަރުގެ އާލާސްކަންފުޅަށް ފަރުވާ ހޯއްދަވަމުންނެވެ. ރަސްގެފާނު ޗާލްސް ކެންސަރަށް ޑައިގްނޯސްވިކަން ބަކިންހަމް ޕެލަސްއިން އިއުލާނުކުރީ، މިއަހަރުގެ ފެބުރުއަރީ މަހުގެ 6 ވަނަ ދުވަހުގައެވެ.

ކޮމެންޓް
އިތުރު އާޓިކަލް
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
02 Apr 2025
ޒަކާތު ހައުސް
ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް 5 ލައްކަ ރުފިޔާ ހަވާލުކޮށްފި
ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށް ފިޠުރު ޒަކާތުގެ ގޮތުގައި ލިބިފައިވާ ފައިސާއިން ފަސް ލައްކަ ރުފިޔާ އިސްރާ އެސޯސިއޭޝަންއާ ހަވާލުކޮށްފި
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށް: ރައީސް
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށްކަމަށް ރައީސް ވިދާޅުވެއްޖެއެވެ.
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތުގެ ވިޔަފާރި ދޫކޮށްލުމަށް ރައީސް އިލްތިމާސްކުރައްވައިފި
ރާއްޖޭގައި ދުންފަތުގެ ވިޔަފާރިކުރާ ފަރާތްތަކުން އެ ވިޔަފާރި ދޫކޮށްލައި، އެހެން ވިޔަފާރިއަކަށް ބަދަލުވުމަށް ރައީސުލްޖުމްހޫރިއްޔާ އިލްތިމާސްކުރައްވައިފިއެވެ.