ރަޝިއާއިން ޔޫކްރެއިންއާ ދެކޮޅަށް ކުރަމުންދާ ހަނގުރާމައިގައި، 44 ދުވަހަށް ފަހު އަނެއްކާވެސް ޔޫކްރެއިންގެ ވެރިރަށް ކިއޭވްއަށް ވަރުގަދަ މިސައިލް ހަމަލާތަކެއްދީިފިއެވެ. 

ޔޫކްރެއިންއިން ހާމަކޮށްފައިވާ ގޮތުގައި ރަޝިޔާއިން ކިއޭވްއަށް ދިން ހަމަލާތަކުގައި މަދުވެގެން 17 މީހުން ވަނީ ޒަޚަމްވެފައެވެ. އޭގެ ތެރޭގައި ކުޑަކުއްޖަކުވެސް ހިމެނެއެވެ. ހަމަލާތަކުގައި އާއްމުން ދިރިއުޅޭ އިމާރާތްތަކަކަށާއި ސްކޫލަކަށް އަދި ކާރުޚާނާތަކަަކަށް ވަނީ ގެއްލުންތައް ލިބިފައެވެ. 

ރަޝިއާ ޔޫކްރެއިން ހަނގުރާމައަށް އެއް އަހަރުވެގެން ގޮސްފައިވާއިރު، މިހަނގުރާމައިގައި މަރުވި މީހުންގެ ސާފު އަދަދެއް އެނގިފައި ނުވިނަމަވެސް އެ އަދަދު މިހާރު މިލިއަނަކާއި ގާތްކޮށްފައިވާ ކަމަށް، އަންދާޒާކޮށްފައިވެއެވެ. 

2022 ވަނަ އަހަރުގެ ސެޕްޓެމްބަރު މަހު ރަޝިޔާގެ ދިފާއީ ވުޒާރާއިން ވަނީ ހަނގުރާމައިގައި ރަޝިޔާސިފައިންގެ 5937 މީހުން މަރުވެފައިވާކަން ކަށަވަރުކޮށްދީފައެވެ. އަދި އޭރު، ޔޫކްރެއިންގެ 61،207 ސިފައިން މަރުވެ 49،368 މީހުން ޒަޚަމްވެފައިވާ ކަމަށް ވެސް ބުނެފަ އެވެ. 2024 ވަނަ އަހަރުގެ ފެބްރުއަރީ މަހު އެ މިނިސްޓްރީން ވަނީ ޔޫކްރެއިންގެ އަސްކަރިއްޔާއިން މަރުވި މީހުންގެ އަދަދު 444،000 އަށް މަތިކޮށްފައެވެ.