Advertisement
ހައްޖު ކޯޕަރޭޝަނުގެ ހަވާލުގައި މިއަހަރު ހައްޖަށްދިޔަ ބައެއް މީހުން --
މި އަހަރު ރާއްޖެއިން ހައްޖަށް ދިޔަ އިތުރު ދިވެއްސަކު ނިޔާވެއްޖެ
މިއަހަރު ރާއްޖެއިން ހައްޖަށް ދިޔަ އިތުރު ދިވެއްސަކު ނިޔާވެއްޖެއެވެ.
މިނިސްޓްރީ އޮފް އިސްލާމިކް އެފެއާޒުން ބުނީ ނިޔާވެފައި ވަނީ، ހައްޖު ކޯޕަރޭޝަންގެ ޙަވާލުގައި މިއަހަރު ހައްޖަށް ދިޔަ މީހުންގެ ތެރެއިން، ބަލިވެގެން ސަޢޫދީޢަރަބިއްޔާގެ ޖާމަން ހޮސްޕިޓަލްގައި ފަރުވާ ދެމުން ދިޔަ ޢަލީ ޙަސަން (72އ) ކަމަށެވެ.
މިއީ ރާއްޖެއިން މިއަހަރު ހައްޖަށް ދިޔަ މީހުންގެ ތެރެއިން ނިޔާވި ދެވަނަ މީހާއެވެ.
އަލް ޙަރަމައިން ހައްޖު އެންޑް އުމްރާ ގުރޫޕްގެ ޙަވާމުގައި ހައްޖަށް ދިޔަ، ރ. މާކުރަތު މީހެކެވެ. އޭނާ ނިޔާވެފައި އޮއްވައި ފެނިފައި ވަނީ ގެއްލިގެން ހޯދަމުން ދަނިކޮށް، ޖަބަލް ނޫރް ކައިރިއަށް ވެއްޓީފައި އޮއްވައެވެ.
ރާއްޖެއިން މިއަހަރު ހައްޖަށް ދިޔަ މީހުންގެ ތެރެއިން އިތުރު މީހަކަށްވެސް ހާލު ބޮޑުވެ ހޮސްޕިޓަލުގައި އަންނަނީ ފަރުވާދެމުންނެވެ.
