ކުޑަ ކަމަކުން ވެސް ގިނަ ދަރުމަ ހޯދިދާނެ.

ނުވަ ވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ފަތިސް ނަމާދު ޖަމާޢަތުގައި ކުރުމަށްފަހު އިރުއަރަންދެން ޛިކުރުކުރަން އިނުމަށްފަހު ދެރަކްޢަތްކުރުމުގެ މާތްކަމާ ގުޅޭ ގޮތުން. 

ކީރިތި ރަސޫލާ ޙަދީޘްކުރައްވަނީ:

Advertisement

((مَنْ صَلَّى الْفَجْرَ فِي جَمَاعَةٍ، ثُمَّ قَعَدَ يَذْكُرُ اللهَ حَتَّى تَطْلُعَ الشَّمْسُ، ثُمَّ صَلَّى رَكْعَتَيْنِ، كَانَتْ لَهُ كَأَجْرِ حَجَّةٍ وَعُمْرَةٍ تَامَّةٍ، تَامَّةٍ، تَامَّةٍ)( (رواه الترمذي) މާނައީ: "ޖަމާޢަތުގައި ފަތިސްނަމާދުކޮށް، އިރު އަރަންދެން ﷲ މަތިން ހަނދުމަކުރަން އިނުމަށްފަހު ދެ ރަކުޢަތް ކޮށްފިމީހަކަށް ޙައްޖަކާއި ޢުމްރާއެއްގެ ފުރިހަމަ ދަރުމަވެއެވެ. އެ ދެ އަޅުކަމުގެ ފުރިހަމަ ދަރުމައެވެ. އެ ދެ އަޅުކަމުގެ ފުރިހަމަ ދަރުމައެވެ."

ލޮބުވެތި މުސްލިމް އަޚުންނާއި އުޚްތުން. ޙައްޖަކާއި ޢުމްރާއެއްގެ ފުރިހަމަ ސަވާބު ލިބެން މިއޮތީ ކުޑަކަމެއް ކޮށްގެން. ކީއްވެތޯ އަޅުގަނޑުމެން މިކަމަށް ދަހިވެތި ނުވާންވީ. އެއްވެސް ޝައްކެތް ނެތް މީ މި ރޯދަމަހުގައި އަޅުގަނޑުމެން ހޯދާ ސަވާބާއި ދަރުމަ އިތުރުކުރުމަށް އޮތް މަގެއް.