ކުޑަ ކަމަކުން ވެސް ގިނަ ދަރުމަ ހޯދިދާނެ.

އަށްވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ހުކުރު ދުވަހު ކުރެވިދާނެ މާތް އަމަލުތަކާ ގުޅޭގޮތުން.

ރަސޫލާ ޞައްލަﷲ ޢަލައިހި ވަސައްލަމަ ޙަދީޘްކުރައްވަނީ: ( مَن غسَّلَ واغتسَلَ يَومَ الجُمُعةِ، وبكَّرَ وابتكَرَ، ومَشى، ولم يَركَبْ، فدَنا مِنَ الإمامِ، فاستمَعَ ولم يَلغُ؛ كان له بكُلِّ خُطوةٍ عَمَلُ سَنةٍ، أجْرُ صيامِها وقيامِها) . أخرجه الترمذي، والنسائي، وابن ماجه، وأحمد واللفظ له(

މާނައީ: '' ހުކުރު ދުވަހު މީހަކު އޭނާގެ ބޯ ދޮވެ އަދި ހިނައިގަނެ، އަވަހަށް ތައްޔާރުވެ، އެއްޗަކަށް ސަވާރުނުވެ ހިނގާފައި ގޮސް، އިމާމު މީހާއާއި ކައިރީގައި އިށީނދެ، ލަޣްވުކުރުމެއްނެތި ޚުޠުބާ އަޑުއަހައިފި ނަމަ؛ އޭނާ އެޅި ކޮންމެ ފިޔަވަޅަކަށް އެއް އަހަރު ދުވަހުގެ ރޯދައާއި ރޭ އަޅުކަމުގެ ޘަވާބު އޭނާއަށް ލިބޭހުއްޓެވެ.''

ލޮބުވެތި މުސްލިމް އަޚުން ނިކަން ވިސްނާ ލައްވާ! އެއް އަހަރުދުވަހުގެ ރޯދައާއި ރޭއަޅުކަމުގެ ސަވާބު މި ލިބެނީ ހަމަ ވަރަށް ކުޑަ ކަމެއް ކޮށްގެން. އެހެންކަމުން ވީ މިންވަރަކުން ހުކުރު ދުވަހު މިގޮތަށް ޢަމަލުކުރެވޭތޯ މަސައްކަތްކުރަމާތޯ!