ދިވެހިންގެ ތެރެއިން ގިނަ މީހުންނަށް ސުނާމީއަކީ ކޮބައިކަން އެނގުނީ، މީގެ 19 އަހަރު ކުރިން 2004 ވަނަ އަހަރު އިންޑިއާ ކަނޑުގައި އުފެދުނު ބާރު ގަދަ ސުނާމީގެ ސަބަބުންނެވެ. އެއީ މިހާތަނަށް ދުނިޔެދުން އެންމެ ގެއްލުން ބޮޑު އަދި އެންމެ ގިނަ މީހުން މަރުވި ސުނާމީއެވެ. 2004ގެ ސުނާމީ ކާރުސާގައި ދުނިޔޭގެ 11 ޤައުމަކުން، 228،00 ވުރެ ގިނަ މީހުން މަރުވިއެވެ. އެބިން ހެލުމާއިއެކު ކަނޑުއަޑީގައި އުފެދުނު ގޮވުމުގެ ބާރުމިން ހުރީ، 1945 ވަނަ އަހަރު އެމެރިކާއިން ހީރޯޝީމާއަށް ވައްޓާލި އެޓޮމިކް ބޮމުގެ 23000 ބޮން އެފަހަރާ ގޮއްވާލުމުން އުފެދޭ ބާރު މިނާއި އެއްވަރަށެވެ. އެހެން ނަމަވެސް 2004 ވަނަ އަހަރުގެ ސުނާމީ އަކީ އެންމެ އުސް ސުނާމީގެ ރާޅެއް ނޫނެވެ. 2004 ގެ ސުނާމީ ރާޅަކީ މިހާތަނަށް ދުނިޔޭގައި ރެކޯޑް ކުރެވުނު 8 ވަނައަށް އެންމެ އުސް ސުނާމީ ރާޅެވެ. 2004 ގެ ސުނާމީ ރާޅުގެ އުސްމިނަކީ 30 މީޓަރެވެ.

ދުނިޔޭގައި ރެކޯޑް ކުރެވިިފައިވާ އެންމެ އުސް ސުނާމީ ރާޅުގެ އުސްމިން ބުރުޖު ޚަލީފާގެ ދެބައިކުޅަ އެއްބައި އުސްމިނާއި އެއްވަރެެވެ. އެސުނާމީގެ ރާޅުގެ އުސްމިނުގައި، 524 މީޓަރު ހުއްޓެވެ. މިސުނާމީ އުފެދުނީ، އެލަސްކާގެ ލިތުޔާ ބޭގައެވެ. މި ސުނާމީގެ ރާޅުގެ އުސްމިން އެއީ ދިވެހިރާއްޖެއަށް ބަލާނަމަ ވިލާތަކާހަމައިގައި ހުންނަ އުސްރާޅެކެވެ.

ދުނިޔޭގައި އުފެދުނު އެންމެ އުސް ސުނާމީ ރާޅުތައް،

1958- ލިތުޔާ ބޭ ސުނާމީ، 524 މީޓަރު

1963- ވަޖަންތް ޑޭމް ސުނާމީ، 250 މީޓަރު

1980- ސެއިންޓް ހެލެންސް މެގަ ސުނާމީ، 200 މީޓަރު

1792- އޫންޒެން މެގަ ސުނާމީ، 130 މީޓަރު

1936- ލެވަންޓް ސުނާމީ، 70 މީޓަރު،

1946- އޭޕްރީލް ފޫލް ސުނާމީ، 50 މީޓަރު

1883- ކަރަކަޓޯއާ ސުނާމީ، 46 މީޓަރު

2011- ޓޯހޮކޫ ސުނާމީ، 40 މީޓަރު

2004- އިންޑިއަން އޯޝަން ސުނާމީ، 30 މީޓަރު

ދުނިޔޭގެ ޖި އޮލޮޖީއަށް ބަލާއިރު، ދުނިޔޭގައި އުފެދޭ ސުނާމީގެ%85 އަކީ، ޕެސިފިކް ކަނޑުގައި އުފެދޭ ސުނާމީ ތަކެވެ.