ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހާއި އެމަނިކުފާނުގެ އަނބިކަނބަލުން ފަޒްނާ އަޙްމަދު އަރިއަތޮޅު އުތުރުބުރީ ތޮއްޑުއަށް ވަޑައިގެން، އެރަށުގެ ރައްޔިތުންނާއެކު އަޟުޙާ ޢީދުގެ އުފާފާޅުކުރައްވައިފިއެވެ.

ތޮއްޑޫއަށް ރައީސުލްޖުމްހޫރިއްޔާގެ ދެކަނބަލުން ވަޑައިގެންނެވުމުން އެރަށުގެ ރައްޔިތުންގެ ފަރާތުން ވަނީ ވަރަށް ހޫނު މަރުޙަބާއެއް ދަންނަވާފައެފެ.

ތޮއްޑޫގައި ރައީސުލްޖުމްހޫރިއްޔާގެ ދެކަނބަލުން ވަނީ، ތޮއްޑޫގެ ރައްޔިތުންގެ ފަރާތުން ދެއްވި، ޢީދު ދުވަހަށް ޚާއްޞަ ސަޤާފީ ފަރިއްކޮޅެއްގައި ބައިވެރިވެވަޑައިގެންފައެވެ. މިއަދި މި ފަރިއްކޮޅަށް ފަހުގައި ރައީސުލްޖުމްހޫރިއްޔާގެ ދެކަނބަލުން ވަނީ، ތޮއްޑޫގެ ޒުވާން އަންހެނުންނާއި ވެސް ބައްދަލުކުރައްވާފައެވެ.

ތޮއްޑޫއަށް ކުރެއްވި ޒިޔާރަތް ނިންމަވާލައްވާފައި، ފުރާ ވަޑައިގެންނެވުމުގެ ކުރިން ރައީސުލްޖުމްހޫރިއްޔާގެ ދެ ކަނބަލުން ވަނީ، ތޮއްޑޫގެ ދަނޑުބިންތައް ހިމެނޭ ސަރަހައްދަށާއި، ތޮއްޑޫ ލޯކަލް އޮތޯރިޓީ ކޮންޕެނީއަށް ޒިޔާރަތްކުރައްވައި އެތަނުގެ މަސައްކަތްތައް ކުރިޔަށްދާ ގޮތްވެސް ބައްލަވާލައްވައި އެތަނާއި ގުޅޭ މައުލޫމާތު އޮޅުންފިލުއްވާފައެވެ.