Advertisement

ބްރިޓިޝް އެއާވޭސްގެ ހާދިސާ އަސްލަކަށް ބަލައިގެން އުފެއްދި ޑޮކިއުމެންޓްރީގެސްކްރީން ޝޮޓެއް --

17 Mar 2024
ލައިފްސްޓައިލް

ފްލައިޓްގެ ވިންޑް ޝީލްޑް ނެއްޓި، 17000 ފޫޓު މަތިން ވިއްސައިގެން ދިޔަ ޕައިލެޓް ސަލާމަތްވި ގޮތް!

މަތިންދާ ބޯޓަށް އެރުމާއި މަތިންދާ ބޯޓުގައި ދަތުރުކުރުމަކީ ބައެއް މީހުން ވަރަށް ޖެހިލުންވާ ކަމެކެވެ. އެހެން ނަމަވެސް ދުނިޔޭގެ ދަތުރުފަތުރަށް ބަލާއިރު، އެންމެ ހަލުވި އަދި އެންމެ ރައްކާތެރި ދަތުރުފަތުރުގެ ގޮތުގައި ބެލެވެނީވެސް ވައިގެ ދަތުރުފަތުރެވެ. ދުނިޔޭގެ ޖައްވުގެ ތެރޭގައި ދުވާލަކު އެތައް ލައްކަ ފްލައިޓެއް އުދުހޭއިރު، އެނިސްބަތުން ބަލާއިރު، ހާދިސާތައް ހިނގާފައި ވަނީ ވަރަށް މަދުންނެވެ.

މަތިންދާ ބޯޓުތަކުގައި ހިނގާފައިވާ ވައިގެ ހާދިސާތަކުގެ ތެރެއިން އެންމެ ހައިރާން ކުރަނިވި ހާދިސާއަކީ، ބްރިޓިޝް އެއަރވޭސްގެ ފްލައިޓެއް 17000 ފޫޓު މަތިން ދަތުރު ކުރަނިކޮށް، ފްލައިޓުގެ ވިންޑް ސްކްރީން ނެއްޓި ޕައިލޮޓް ބޭރަށް ދަމައިގަތް ހާދިސާއެވެ. އެއީ ދުނިޔޭގެ ވައިގެ ދަތުރުފަތުރުގެ ތާރީޚުގައި ދިމާވި ނުރައްކާތެރި ޙާދިސާއެކެވެ.

ބްރިޓިޝް އެއާވެސްގެ ފްލައިޓް 5390 އިނގިރޭސި ވިލާތުގެ ބަރމިންގހަމް އެއާޕޯޓުން ސްޕެއިންގެ މަލާގާ އެއާޕޯޓަށް ފުރީ،1990 ވަނަ އަހަރުގެ ޖޫން 10 ވަނަ ދުވަހުގެ ހެނދުނު 8:20 ގައެވެ. ބޯޓު ފުރި އިރު ބޯޓުގައި 6 ކްރޫއިންނާއި 81 ފަސިންޖަރުން ތިއްބެވެ.

ފްލައިޓް 17000 ފޫޓު މައްޗަށް އަރާފައި ވަނިކޮށް، ބާރު ގަދަ އަޑުފަށްގަނޑަކާއި އެކު، ފްލައިޓްގެ ވާތްފަރާތު ވިންޑް ޝީލްޑް ނެއްޓި ވިއްސައިގެންގެން ދިޔައެވެ. އެއާއެކު ފްލައިޓްގެ ތެރެއަށް ވައިވަދެ ކޮކްޕިޓްތެރޭގައި ހުރި އެހެން ލިޔެކިޔުންތަކާއި ތަނެއްގައި ހަރު ނުކޮށްހުރި އެއްޗެހި ވަޔާއި އެކު ފްލައިޓުން ބޭރަށް ދަމައިގަތެވެ. އަދި ޕައިލެޓް ކެޕްޓަން ޓިމޯތީ ލަންކަސްޓަރ ވެސް ބޭރަށް ދަމައިގަތެވެ. އުފެދުނު ވައިގެ ޕްރޮޝަރުގައި ޕައިލެޓް ލަންކަސްޓަރ ބޭރަށް ދަމައިގަތް އިރު، ކެޕްޓަން ހުރީ ޝީޓް ބެލްޓް ނައްޓާލައިގެންނެވެ. ފްލައިޓްގެ ވިންޑްޝީލްޑް ކުޑަދޮރުން މުޅިން ބޭރު ނުވެ އޭނާ އޮތީ ފައިގައި ފްލައިޓް ކޮންޓްރޯލް(ހުންގާނު)ގައި އަޅައިގަތުމުންނެވެ. އެވަގުތަކީ ފްލައިޓް އެޓެންޑެންޓް ނައިޖެލް އޯގްޑެން އަށްވެސް ކޮކްޕިޓަށް ވަދެވުނު ވަގުތެވެ. އޭރު ފްލައިޓް ދަތުރުކުރަމުން ދިޔައީ، އިނގިރޭސި ވިލާޓުގެ ރެއިލްވޭ ޓައުންއެއް ކަމަށްވާ ޑިކޮޓްގެ މަތިންނެވެ.

ޕައިލެޓް ލަންކަސްޓަރ މުޅިން ބޭރުވިޔަ ނުދީ އޭނާގެ ދެފައިގައި ހިފަހައްޓައިގެން ނައިޖެލް 20 މިނިޓަށްުވުރެ ގިނަ އިރު ހުންނަން ޖެހުނެވެ. ގަދަ ފިންޏާއި އަދި ބާރުވައިގެ ސަބަބުން، ޕައިލެޓް ލަންކަސްޓަރގެ ހަށިގަނޑާއި ބޯ ފްލައިޓްގެ ބޮޑީގައި ޖެހި ތެޅެމުން ދިޔުމާއި އެކު، ކޯ ޕައިލެޓް އެލެސްޓިއާ އާޗިސަން އަދި ނައިޖެލްވެސް ހީކުރީ، ޕައިލެޓް ލަންކަސްޓަރ މަރުވީ ކަމަށެވެ. އެހެން ނަމަވެސް ލަންކަސްޓާގެ ހަށިގަނޑު ބޭރުވިޔަ ނުދީ ހިފެހެއްޓުމުގެ އެއް ސަބަބަކީ، އޭނާ ވައިގެ ތެރެއަށް ދޫވެއްޖެ ނަމަ ފްލައިޓްގެ ވާތްފަރާތު ފިޔަގައި ޖެހި އަދި އިންޖީނުގެ ތެރެއަށް ގޮސްފިނަމަ ނުރައްކާތެރިކަން އިތުރަށް ބޮޑުވެގެން ދާނެތީއެވެ.

ހާދިސާ އިނގި އިރު އެފްލައިޓްގައި ފްލައިޓްގައި ތިބި 81 މީހުންނަށް ބޭނުންވާނެ އޮކްސިޖަނެއްވެސް ނެތެވެ. އަދި ބޯޓު އޮތީ އިންސާނުންނަށް ރަނގަޅަށް ނޭވާ ލެވޭ ވަރަށް ވުރެ މަތީގައި ކަމުން ކޯޕައިލެޓަށް ފުރަތަމަ ޖެހުނީ ބޯޓު ތިރިކުރާށެވެ. އެހެން ނަމަވެސް އެކަމުގައި ދިމާވި އުނދަގުލަކީ އެއާޓްރެފިކް ކޮންޓްރޯލާއި ވާހަކަ ދެއްކުމުގެ އުނދަގޫތަކެވެ. ކޮކްޕިޓްގެ ތެރެއަށް ވައިވަންނަމުން ދިޔުމާއި އެކު ރޭޑިއޯ ކޮންޓްރޯލްގެ އަޑެއް ރަނގަޅަކަށް ނީވެއެވެ.

އެމާރޖެންސީ ކުއްލި ހާލަތުގައި ބްރިޓިޝް އެއާވެސްގެ ފްލައިޓް 5390 ޖެއްސީ އޭގެ 20 މިނިޓް ފަހުން، 8:55ގައި އިނގިރޭސިވިލާތުގެ ސައުތުހެމްޓަން އެއާޕޯޓަށެވެ.

ބޯޓު ސައުތްހެމްޓަން އެއާޕޯޓަށް ޖެއްސުމާއި އެކު ފަސިންޖަރުން ބާލައި ޕައިލެޓް ހޮސްޕިޓަލަށް ގެންދެވުނެވެ. ހާދިސާގެ ވަގުތުން ފެށިގެން ހޮސްޕިޓަަލަށް ގެންދެވުމާއި ހަމައަށްވެސް ޕައިލެޓް ލަންކަސްޓަރ އޮތީ ހޭނެތިފައެވެ. ހާދިސާގައި އޭނާގެ ކޮނޑު ހުޅުނެއްޓި އަތް ބިންދައިގެން ގޮސް އަދި މޫނާއި ފަޔަށްވެސް އަނިޔާވިއެވެ.

ޕައިލެޓް ލަންކަސްޓަރ ހޮސްޕިޓަލުގައި --

ހާދިސާއަށްފަހު ހޭ އެރުމާއި އެކު ކެޕްޓަން ލަންކަސްޓަރ ބުނިކަމަށް ވަނީ، "އަހަރެން ކާން ބޭނުން" ކަމަށެވެ. ފްލައިޓްގައި ހާދިސާ ހިނގި ވަގުތަކީ، ފްލައިޓް ވައިގެތެރެއަށް އަރައި ހަމަޖެހުމުން ފްލައިޓް އެޓެންޑެންޓުން ޕައިލެޓުންނާއި ފަސިންޖަރުންނަށް ކެއުން ފޯރުކޮށް ދިނުމަށް ތައްޔާރު ވަމުން ދިޔަ ވަގުތެވެ.

ހާދިސާގެ ތަހްޤީޤުތަކުން އެނގުނު ގޮތުގައި، ބްރިޓިޝް އެއާވެސްގެ ފްލައިޓް 5390ގެ ވިންޑް ޝީލްޑް ނެއްޓުނު އިރު އެ ވިންޑް ޝީލްޑަކީ އޭގެ 27 ގަޑި އިރު ކުރިން ބަދަލުކޮށްފައިވާ ވިންޑް ޝީލްޑެކެވެ. އެ ނެއްޓިގެން ދިޔުމުގެ ސަބަބަކީ، ބަދަލުކުރުމަށްފަހު އަލުން ހަރު ކުރުމަށް ބޭނުން ކުރީ ބޭނުން ކުރަންޖެހޭ މިންވަރަށް ވުރެ ކުދި އިސްކުރު ކަމަށް ވުމުންނެވެ.

އެހާދިސާއަށްފަހުވެސް ބޯޓު އަލުން މަރާމާތުކޮށް ދުއްވިއެވެ. އެބޯޓުގެ ދަތުރުތައް ހުއްޓާލައި އުވާލީ، 2002 ވަނަ އަހަރުގައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.