Advertisement

15 Mar 2024
ދީން

ކުޑަ ކަމަކުން ބޮޑު ދަރުމައެއް: ދަރަނި އަދާކުރުމަށް ދަތިވެފައިވާ މީހާއަށް ލުއި ދިނުން

ކުޑަ ކަމަކުން ވެސް ގިނަ ދަރުމަ ހޯދިދާނެ.

ތިންވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ދަރަނި އަދާކުރުމަށް ދަތިވެފައިވާ މީހާއަށް ލުއި ދިނުން ނުވަތަ މުއްދަތު ފަސްކޮށްދިނުމާ ގުޅޭގޮތުން.

ކީރިތި ރަސޫލާ ޙަދީޘްކުރައްވަނީ:

Advertisement

"من أنظرَ معسرًا كانَ لَه بِكلِّ يومٍ صدقةٌ " (رواه ابن ماجه وصححه الألباني)   

މާނައީ: "ދަރަނި އަދާކުރުމަށް ދަތިވާ މީހަކަށް، މުއްދަތު ފަސްކޮށްދީފި މީހާ ދަންނާށެވެ! އެ ވާހުށީ އޭނާއަށް ކޮންމެ ދުވަހަކަށްވާ ޞަދަޤާތެއް ކަމުގައެވެ." އޭގެ މާނައަކީ: މިސާލަކަށް މީހަކު އެއްލައްކަ ރުފިޔާގެ ދަރަންޏެއް މިދެނީ މީހަކަށް ވަކި މުއްދަތެއްގެ ތެރޭގައި ދެއްކުމަށް. ނަމަވެސް ދަރަނިވެރިޔާގެ ނިކަމެތި ޙާލަތު ހުރިގޮތުން އެ މުއްދަތުގެ ތެރޭގައި އެ ދަރަނި އަދާކުރުމަށް ޢުޛުރުވެރިވޭ. އޭނާއަށް އިތުރު ވަގުތު ބޭނުންވޭ. އެހިނދު ﷲ ގެ ވަޖުހުފުޅު އަދައިގެން ދަރަނިދޭމީހާ ދަރަނިވެރިޔާއަށް މުއްދަތު އިތުރުކޮށްދީފިނަމަ، އެ އިތުރުކޮށްދިން މުއްދަތުގައި ހޭދަވާ ކޮންމެ ދުވަހަކަށް އެއްލައްކަ ރުފިޔާއިން ޞަދަޤާތްކުރުމުގެ ސަވާބު އޭނާއަށް ލިބިލިބި ހުންނާނެ.

އާދެ! ކާކުތޯ ބޭނުން ނުވާނީ މި ރޯދަމަހުގައި އޭނާއަކީ ކޮންމެ ދުވަހަކު މިފަދަ ބޮޑު ޢަދަދަކުން ޞަދަޤާތްކުރާ މީހަކަށް ވާން. އެއްވެސް ޝައްކެއްނެތް ކޮންމެ މީހަކު ވެސް ބޭނުންވާނެ. އެހެންކަމުގައި ވާނަމަ، މިފަދަ ކުޑަކުޑަ ކަމަކުންވެސް އަޅުގަނޑުމެންނަށް އެތައް ދަރުމައާއި ސަވާބެއް ޙާޞިލްކުރެވިދާނެ.

ކޮމެންޓް
އިތުރު އާޓިކަލް
19 May 2024
ކުޅިވަރު
އާސެނަލްއަށް ލީގު ކާމިޔާބެއް ނުކުރެވޭނެ: ރޮނާލްޑޯ
އިނގިރޭސި ޕްރިމިއަ ލީގުގެ ފަހު މެޗުތައް މިރޭ ކުޅުމަށް ހަމަޖެހިފައިވާއިރު، ލީގު ކާމިޔާބުކުރުމުގެ ފުރުސަތު މެންޗެސްޓާ ސިޓީ އާއި އާސެނަލްއަށް އޮތް ނަމަވެސް، އެކަން އާސެނަލްއަށް ހާސިލް ނުކުރެވޭނެކަމަށް ކްރިސްޓިއާނޯ ރޮނާލްޑޯ ބުނެފިއެވެ. ރޮނާލްޑޯ މިހެން ބުނީ ސައުދީ އަރަބިއްޔާގެ ރިޔާދުގައި އޮތް ބޮކްސިން މެޗެއް ބަލަން ގޮސް އުޅުމުގެ ތެރޭގައި އާސެނަލްގެ ސަޕޯޓަރަކާ ވާހަކަ ދައްކަމުންނެވެ.
19 May 2024
ޚަބަރު
އިޖުތިމާޢީ އަދި އާއިލީ ތަރައްޤީއާ ބެހޭ ވުޒާރާގެ މުވައްޒަފުންނަށް ތަމްރީން ދިނުމުގެ ސިލްސިލާ ޕްރޮގްރާމެއް ފަށައިފި
މިގޮތުން މިސިލްސިލާގެ ދަށުން ކުރިޔަށް ގެންދިޔަ ފުރަތަމަ ތަމްރީން ޕްރޮގްރާމް މި މެއި މަހުގެ 13 އިން 18އަށް ވަނީ ކުރިޔަށް ގެންގޮސްފައެވެ. ފުރަތަމަ ތަމްރީން ޕްރޮގްރާމްގައި ބައިވެރިވެފައި ވަނީ، ޕްރިވެންޝަން ޓީމާއި، ސްޓޭޓް ކެއަރ ޓީމް އަދި ހާލު ކިހިނެއް ޕްރޮގްރާމްގައި ބައިވެރިވެފައިވާ ޓީމެވެ.
19 May 2024
ޚަބަރު
އާ ސަހަރާގެ މަސައްކަތްތައް ނިންމަން އެހެން ކުންފުންޏަކާއި ހަވާލުކޮށްފި
މި އެއްބަސްވުމުގައި ހައިމަން ކޮންސްޓްރަކްޝަން ޕްރައިވެޓް ލިމިޓެޑްގެ ފަރާތުން ސޮއެކުރެއްވީ، އެކުންފުނީގެ ޑިރެކްޓަރ މުޙައްމަދު އައިމަންއެވެ. މާލޭ ސިޓި ކައުންސިލްގެ ފަރާތުން އެއްބަސްވުމުގައި ސޮއެކުރެއްވީ، ސެކްރެޓަރީ ޖެނެރަލް ވަޖީހް ނަސީރުއެވެ. މިއެއްބަސްވުމުގައި ސޮއެކުރުމަށް ބޭއްވި ރަސްމިއްޔާތުގައި މާލޭ ސިޓީގެ މޭޔަރު އާދަމް އާޒިމް ބައިވެރިވެވަޑައިގެންނެވިއެވެ.
19 May 2024
މޯލްޑިވްސް އިމިގްރޭޝަން
ވަރކް ވިސާގެ ޚިދުމަތް ހޯދުމުގައި ލުއިފަސޭހަކޮށްދިނުމަށް އިމިގްރޭޝަނުން ޒަމާނީ ބަދަލެއް ގެނަސްފި
ވާރކް ވިސާގެ ޚިދުމަތް ހޯދާ ފަރާތްތަކަށް ލުއިފަސޭހަކޮށްދީ، އެ ފަރާތްތަކުގެ ވަގުތު ސަލާމަތްކޮށްދިނުމުގެ މަޤުސަދުގައި މޯލްޑިވްސް އިމިގްރޭޝަނުން ޒަމާނީ ބަދަލެއް ގެނަސްފިއެވެ. އެގޮތުން، މިއަދުން ފެށިގެން މި ޚިދުމަތް ފޯރުކޮށްދިނުމުގައި "އޭންޓް ކިޔޫ" އެޕްލިކޭޝަން ބޭނުންކުރުމަށް ކޮންޓްރޯލަރ ޖެނެރަލް އޮފް އިމިގްރޭޝަން، މުޙައްމަދު ޝަމްޢާން ވަހީދު ނިންމާފައިވާކަމަށް، އެ އިދާރާއިން ވަނީ މިއަދު ހާމަކޮށްފައެވެ.