Advertisement

މޯލްޑިވިއަންގެ ޑޭޝް-8 މަރުކާގެ މަތިންދާ ބޯޓެއް --

14 Mar 2024
ޚަބަރު
ޢަލީ ސުލައިމާން

މޯލްޑިވިއަންއިން ޚާއްޞަ އަގުހެޔޮ ފެއާތަކެއް ތަޢާރަފްކޮށްފި

މޯލްޑިވިއަން އިން އެ އެއާލައިންގެ އެތެރޭގެ އުދުހުންތަކަށް ޚާއްޞަ ފެއާތަކެއް ތަޢާރަފްކޮށް ޓިކެޓް އަގުހެޔޮކޮށްފިއެެވެ.

މޯލްޑިވިއަން އިން ހާމަކޮށްފައިވާ ގޮތުގައި އަލަށް ތަޢާރަފްކުރި ޚާއްޞަ ފެއާތަކުގައި އަންނަ އާދީއްތަ ދުވަހުން ފެށިގެން ދަތުރު ކުރެވޭނެ ކަމަށެވެ. މޯލްޑިވިއަން އިން ހާމަކޮށްފައިވާ ގޮތުގައި، ޚާއްޞަ އަގު ހެޔޮ ފެއާތައް ތަޢާރަފްކޮށްފައި ވަނީ އެކުންފުނިން ޝެޑިއުލްދަތުރުތައް ބާއްވާ އެތެރޭގެ 16 މަންޒިލަކަށެވެ. އޭގެ ތެރޭގައި ހިމެނެނީ، ސ. ގަން، ޏ. ފުވައްމުލައް، ގދ. މާވާރުލު،  ގދ. ފަރެސްމާތޮޑާ، ގދ. ކާޑެއްދޫ، ގއ، ކޫއްޑޫ، ލ. ކައްދޫ، ތ. ތިމަރަފުށި، ރ. އިފުރު، ނ. މާފަރު، ށ.ފުނަދޫ، ހދ. ހަނިމާދޫ، ހދ. ކުޅުދުއްފުށީގެ އިތުރުން، ހއ. ހޯރަފުއްޓެވެ.

މޯލްޑިވިއަންއިން ކޮށްފައިވާ އިއުލާނުގައިވާ ގޮތުގައި، އަގު ހެޔޮފެއާތައް ތަޢާރަފްކޮށްފައި ވަނީ އެ އެއާލައިނުން، އެ 16 މަންޒިލަށް ޝެޑިއުލްކޮށްފައިވާ ރޭގަނޑުގެ ފްލައިޓްތަކުންނެވެ. އޭގެ ތެރޭގައި އިރާކޮޅާއި ދަންވަރާއި އަދި ފަތިހުގެ ފްލައިޓްތައް ހިމެނެއެވެ.

މީގެ އިތުރުން އެކުންފުނިން މިހާރުވެސް ދަތުރުތައް ބާއްވަމުން އަންނަ ޅ. މަޑިވަރާއި ބ. ދަރަވަންދޫއަށް މިހާރުވެސް ޚާއްޞަ ފެއާގައި ދަތުރުތައް ކުރެވޭނެ ކަމުގައި މޯލްޑިވިއަނުން ހާމަކޮށްފައެވެ.

ރާއްޖޭގެ އެތެރޭގެ އުދުހުންތަކުގެ އަގު ބޮޑުވުމަކީ، އަބަދުވެސް އާއްމު ކުރަމުން އަންނަ ޝަކުވާއެކެވެ. އެހެން ނަމަވެސް ޤައުމީ އެއާލައިނަށް އެތެރޭގެ އުދުހުންތަކުން ފައިދާ ނުވާތީ، ދަތުރުތަކުގެ އަގުހެޔޮކުރުމުގައި ކުންފުންޏަށް ގޮންޖެހުންތަކާއި ކުރިމަތިވެފައިވާ ކަމަށް މީގެ ކުރިން އެކުންފުނިން ހާމަކޮށްފައިވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.