Advertisement

14 Mar 2024
ކުޅިވަރު
މިފްތާޙް މުޙައްމަދު

ބެޑްމިންޓަން އެސޯސިއޭޝަންގެ އިންތިހާބު ބޭއްވުމަށް އިއުލާން ކުރުމުން އެކަން މަޑުޖައްސާލަން އަންގައިފި

ބެޑްމިންޓަން އެސޯސިއޭޝަން އޮފް ދަ މޯލްޑިވްސްގެ ހިންގާ ކޮމެޓީ އިންތިހާބު ކުރުމަށް ބާއްވާ އިންތިހާބު، މި ހިނގާ މާޗު މަހުގެ 22 ވަނަ ދުވަހު ބޭއްވުމަށް މި މަހުގެ 12 ވަނަ ދުވަހު އިއުލާން ކުރުމުން، އިންތިހާބުގެ ކަންކަން މަޑުޖައްސާލުމަށް ކޮމިޝަނަރ އޮފް ސްޕޯޓްސް މުޙައްމަދު ޠަލާލު އަންގައިފިއެވެ.

އިންތިހާބާ ގުޅިގެން ބެޑްމިންޓަން އެސޯސިއޭޝަނުން ކުރި އިއުލާނުގައި ބުނާގޮތުން، އެ އިންތިހާބު ބޭއްވުމަށް ހަމަޖެހިފައިވަނީ އައްޑޫ އިކުއިޓޯރިއަލް ވިލެޖުގައެވެ. އަދި އެސޯސިއޭޝަންގެ މަގާމުތަކަށް ކުރިމަތިލުމުގެ ސުންގަޑިއަކީ މި މަހުގެ 18 ވަނަ ދުވަހުގެ 14:00 އެވެ.

އިންތިހާބުގެ ކަންކަން މަޑުޖައްސާލުމަށް އެންގި އެނގުމާ ގުޅިގެން "އަދަދު" ނޫހަށް ޠަލާލު ދިން އިންޓަވިއުގައި ބުނެފައިވަނީ، އެ އެސޯސިއޭޝަނާ ގުޅިގެން އެކި ފަރާތްތަކުން ގިނަ ޝަކުވާތަކެއް ހުށަހަޅަމުންދާކަމާއި އަދި އެސޯސިއޭޝަންގެ ހިންގާ ގަވާއިދުގައި ވެސް ރަގަޅު ކުރަންޖެހޭ ކަންތައްތަކެއް ހުރުމުން، މި މައްސަލަތައް ހައްލު ނުކޮށް އިންތިހާބަށް ދިއުމަކީ ރަގަޅު ގޮތް ނޫންކަމުން އެކަން މަޑުޖައްސާލަން ނިންމީ ކަމަށެވެ.

"ހަގީގަތުގައި ވަރަށް ގިނަ ޝަކުވާތަކެއް އެބަހުރި އެ އެސޯސިއޭޝަނާ ގުޅޭގޮތުން، އަމިއްލަ ފަރާތްތަކުން ވެސް، ކުޅުންތެރިންގެ ފަރާތުން ވެސް، ދެން، އަސާސީ ގަވާއިދުގައި އެ ހުރި ކަންތައްތައް ރަނގަޅުނުކޮށް، އިންތިހާބަކަށް ދިއުމަކީ އެންމެ ރަނގަޅު ގޮތެއް ނޫން،" 

އިންތިހާބު ފަސްކުރުމާ ގުޅޭގޮތުން ސްޕޯޓްސް ކޮމިޝަނަރ ޠަލާލު

މީގެ އިތުރުން މިހާރު އެސޯސިއޭޝަން އިންތިހާބުގައި ވޯޓު ލެވޭ މެމްބަރުންނަކީ އިންތިހާބަށް ނުފޫޒު ފޯރުވޭނެ ގޮތަކަށް އެ އިހްތިޔާރު ލިބިފައިވާ ބައެއްކަމަށް ގަބޫލު ކުރެވޭތީ، އިންތިހާބުގެ ކުރިން އެކަންކަން ރަގަޅު ކުރަންޖެހޭކަމަށް ވެސް ޠަލާލު ބުނެފައިވެއެވެ. އަދި ފާއިތުވި ދައުރުގެ އޮޑިޓް ރިޕޯޓު ހުށަހަޅާފައި ނުވުމަކީ ވެސް އިންތިހާބު ފަސްކުރަންޖެހޭ އިތުރު ސަބަބެއްކަމަށް އޭނާ ފާހަގަ ކުރިއެވެ.

ހިންގާ ގަވާއިދުގައި ހުރި މައްސަލަތަކުގެ އިތުރުން އެ ޖަމިއްޔާގެ ރައީސް، މޫސާ ނާޝިދު އަށް ތުހުމަތުވާ ގިނަ ކޮރަޕްޝަންގެ މައްސަލަތަކެއްގެ ޝަކުވާތަކެއް ވެސް ސްޕޯޓްސް ކޮމިޝަނަރއަށް ހުށަހަޅާފައިވާކަމުގެ މައުލޫމާތު ލިބެއެވެ.

ކޮމެންޓް
އިތުރު އާޓިކަލް
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.
02 Apr 2025
ޒަކާތު ހައުސް
ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް 5 ލައްކަ ރުފިޔާ ހަވާލުކޮށްފި
ޣައްޒާގައި ހާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށް ފިޠުރު ޒަކާތުގެ ގޮތުގައި ލިބިފައިވާ ފައިސާއިން ފަސް ލައްކަ ރުފިޔާ އިސްރާ އެސޯސިއޭޝަންއާ ހަވާލުކޮށްފި
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށް: ރައީސް
ދުންފަތް މަނާކުރަން ވިސްނާފައިވަނީ 25 އަހަރުން ދަށުގެ މީހުންނަށްކަމަށް ރައީސް ވިދާޅުވެއްޖެއެވެ.
02 Apr 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ދުންފަތުގެ ވިޔަފާރި ދޫކޮށްލުމަށް ރައީސް އިލްތިމާސްކުރައްވައިފި
ރާއްޖޭގައި ދުންފަތުގެ ވިޔަފާރިކުރާ ފަރާތްތަކުން އެ ވިޔަފާރި ދޫކޮށްލައި، އެހެން ވިޔަފާރިއަކަށް ބަދަލުވުމަށް ރައީސުލްޖުމްހޫރިއްޔާ އިލްތިމާސްކުރައްވައިފިއެވެ.