އިލެކްޝަންސް ކޮމިޝަންގެ ނައިބު ރައީސްގެ މަޤާމަށް އެކޮމިޝަންގެ މެމްބަރު ޢަލީ ނަޝާތު ހޮވައިފިއެވެ.

އިލެކްޝަންސް ކޮމިޝަނުން ވިދާޅުވީ، ކޮމިޝަންގެ ނައިބުރައީސްގެ މަޤާމަށް ޢަލީ ނަޝާތު ހޮވާފައި ވަނީ، މިއަދު ބޭއްވި އެޗކޮމިޝަނުގެ 820 ވަނަ ޢާންމު ޖަލްސާގައި ކަމަށެވެ.

ނަޝާޠުގެ ކުރިން އެމަޤާމުގައި ހުންނެވި އިސްމާއީލް ޙަބީބުގެ ކޮމިޝަންގެ މެމްބަރު ކަމުގެ ދައުރު އިއްޔެއަށް ވަނީ ހަމަވެފައެވެ.

ޢަލީ ނަޝާތުވެސް އިލެކްޝަންސް ކޮމިޝަންގެ މެމްބަރު ކަމުގައި މިހާރު ފުރިހަމަ ކުރައްވަމުން ގެންދަވަނީ ދެވަނަ ދައުރެވެ.  ދެވަނަ ދައުރަކަށް ނަޝާޠު އިލެކްޝަންސް ކޮމިޝަނަށް ޢައްޔަނުކުރައްވާފައި ވަނީ 16 ނޮވެމްބަރު 2023 ގައެވެ.