ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ---
އެމްޑީޕީއާ އެމްޑީޕީގެ މެމްބަރުން އަބަދުވެސް ދާނީ ކުރިއަށް ކަމުގައި ރައީސުލްޖުމްހޫރިއްޔާ ވިދާޅުވެއްޖެ
އެމްޑީޕީއާ އެޕާޓީގެ މެމްބަރުން އަބަދުވެސް ދާނީ ކުރިއަށް ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، އެމްޑީޕީގެ 18 ވަނަ އަހަރީ ދުވަހުގެ ހެޔޮ އެދުމާއި ތަޙްނިޔާ ފޮނުއްވައި، ކުރެއްވި ޓްވީޓެއްގައެވެ.
އެމްޑީޕީގެ އަހަރީ ދުވަހާއި ގުޅުުވައިގެން ރައީސުލްޖުމްހޫރިއްޔާ މިހެން ވިދާޅުވިއިރު، އެމްޑީޕީގެ ރިޔާސީ ޕްރައިމަރީ އެމަނިކުފާނަށް ކާމިޔާބުވެ އަދި ރައީސް ނަޝީދަށް ނާކާމިޔާބުވުމުން ދެބޭފުޅުންގެ ގުޅުން ވަނީ ގޯސްވެފައެވެ.
އަދި އެމްޑީޕީގެ ތެރޭގައި ރައީސް ނަޝީދު ވަކި ފެކްޝަނެއް ހައްދަވައިގެން އެމްޑީޕީގެ އެންމެ އިސްލީޑަރު އަދި ރައީސުލްޖުމްހޫރިއްޔާ އާއި ދެކޮޅަށް 6 މަސްދުވަހު މަސައްކަތް ކުރެއްވުމަށްފަހުގައި، ކުރި ނުލިބުމުން ޕާޓީން ވަނީ ވަކިވެވަޑައިގެންފައެވެ. އަދި އެމްޑީޕީގައި ތިބި ރައީސް ނަޝީދަށް ތާއީދު ކުރާ ފަރާތްތަކުން އެމްޑީޕީން ވަކިވެ އައު ސިޔާސީ ޕާޓީއެއް އުފެއްދުމަށް މިހާރު މަސައްކަތް ކުރަމުންދާއިރު އެޕާޓީގެ ރިޔާސީ ކެންޑިޑޭޓަކަށް ވާނީ، ރައީސް ނަޝީދު ކަމުގައި ނުރަސްމީ ގޮތެއްގައި އެބޭފުޅުންވެސް ގެންދަނީ ވިދާޅުވަމުންނެވެ.
އެމްޑީޕީ ރަޖިސްޓްރީކޮށްދީފައި ވަނީ، 26 ޖޫން 2005 ގައެވެ.