Advertisement
ޖާބިރު އެމްޑީޕީއަށް ސޮއެކުރެއްވުން -- ފޮޓޯ: އެމްޑީޕީ ސޯޝަލް މީޑިއާ
ޖާބިރު އެމްޑީޕިއަށް ސޮއި ކުރައްވައިފި
ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޢަބުދުﷲ ޖާބިރު އެމްޑީޕީއަށް ސޮއެކުރައްވައިފިއެވެ.
ޖާބިރު އެމްޑީޕީއަށް ސޮއެކުރުމުގެ ރަސްމިއްޔާތު ބާއްވާފައި ވަނީ މިއަދު ހެނދުނު ސޯލްޓްގައެވެ.
މި ރަސްމިއްޔާތުގައި އެމްޑީޕީގެ އިސްލީޑަރު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، އެމްޑީޕީގެ ޗެއާ ޕަރސަން ފައްޔާޒު އިސްމާޢީލާއި ޕާޓީގެ އިސްބޭފުޅުން ބައިވެރިވެވަޑައިގެންނެވިއެވެ.
މެމްބަރު ޖާބިރު މީގެ ކުރިންވެސް އެމްޑީޕީއާ ގުޅިވަޑައިގެންނެވިއެވެ.
ޖާބިރަށް އެމްޑީޕީއާ ގުޅިވަޑައިގެންނެވުމަށް ފައްޔާޒު ދަޢުވަތު ދެއްވީ، ރިޔާސީ ޕްރައިމަރީ ރައީސް ނަޝީދަށް ނާކާމިޔާބުވުމުން، އެމަނިކުފާނާއި އެކު އެމްޑީޕީ ތެރޭގައި ވަކި ފެކްޝަނެއް ހައްދަވައިގެން އުޅުއްވުމަށް ފަހު އެމްޑީޕީން ވަކިވެވަޑައިގެންނެވި އީވާ އަބުދުﷲ ، އެމްޑީޕީއަށާއި ޖާބިރަށް މަޖިލީހުގެ ތަޅުމުގައި ކުރެއްވި ފުރައްސާރައާ ގުޅިގެންނެވެ.
އެމްޑީޕީއާ އަލުން ގުޅިވަޑައިގެންނެވުމަށްފަހު މެމްބަރު ޖާބިރު ވިދާޅުވީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހަށް ކުރިޔަށް އޮތް ރިޔާސީ އިންތިޚާބު ކާމިޔާބުވާނޭ ކަމަށް ޔަޤީން ކުރައްވާ ކަމަށެވެ.
