އެމެރިކާއިން ވައިގެ މަގުން އުތުރު ގާޒާގެ ސަރަހައްދުތަކަށް މަތިން އެޅި އެހީގެ ޕެކޭޖްތަކުގެ ދަށުވެ ބައެއް މީހުން މަރުވެއްޖެއެވެ.

އަލްޖަޒީރާއިން ރިޕޯޓްކޮށްފައިވާ ގޮތުގައި މަރުވި މީހުންގެ ތެރޭގައި ތިން ކުޑަކުދިންވެސް ހިމެނެއެވެ. މަރުވި މީހުންނަކީ، މަތިންދާބޯޓުތަކުން ޕެކޭޖުތައް ވައިގެތެރެއަށް ދޫކޮށްލަމުންދާތީ އެތަކެތި ނެގުމަށް ދިޔަ މީހުންނެވެ. 

މަންޒަރު ދުށް މީހުންނާއި ވީޑިއޯތަކުން ފެންނަ ގޮތުގައި، އެހީގެ ޕެކޭޖުތައް ނެގުމަށް އެއްވި ބައެއް މީހުން މަރުވީ، މަތިންދާ ބޯޓުތަކުން ދޫކޮށްލި ޕެކޭޖްތަކުގެ ތެރެއިން ބައެއް ޕެކޭޖްތަކުގައި ހުރި ވައިކުޑަތައް ނުހުޅުވި، މަތިން ވެއްޓުނު ބާރު މިނުގައި މީހުންގެ ގައިގައި ޖެހުމުގެ ސަބަބުންނެވެ.

Advertisement

ގާޒާގެ މީޑިއާ އޮފީހުން ހާމަަކޮށްފައިވާ ގޮތުގައި، ގާޒާއިން ބަނޑުހަިއ ހޫނުކަމުގައި މަރުވި މީހުންގެ އަަދަދު މިހާރު ވަނީ 20 އަރާފައެވެ. އަދި ގާޒާގެ 7 ލައްކަ މީހުން ދަނީ ބަނޑުހައި ހޫނުކަން ތަހައްމަލު ކުރަމުންނެވެ.

އިޒްރޭލުން ގާޒާއަށް ދެމުންދާ ހަމަލާތަކުންގައި މަދުވެގެން 35000 މީހުން ޝަހީދުވެފައިވާއިރު، ގާޒާއަށް ބޮން އަޅައި ފުނޑުފުނޑުކުރުމަށް ހަތިޔާރާއި، އެތައް ބިލިއަން ޑޮލަރެއް އިޒްރޭލަށް ދެމުން އަންނަނީވެސް އެމެރިކާއިންނެވެ. 

އިޒްރޭލުން ގާޒާ ހިޞާރުކޮށްފައިވާތާ އެތައް އަހަރެއް ވެފައި ވާއިރު، 07 އޮކްޓޫބަރުން ފެށިގެން ވައިގެ މަގުން ގާޒާއަށް ހަަމަލާދީ، އަދި ގާޒާއިން ބޯފެނާއި ކަރަންޓް ކަނޑާލައި، ކާބޯތަކެއްޗާއި ގޭހާއި ބޭސް، ގާޒާއަށް ވެއްދުމަށްވެސް އިޒްރޭލުން ވަނީ ހުރަސް އަޅާފައެވެ.

ހައްދު ފަހަނަ އެޅި އިޒްރާއީލުގެ ޔަހޫދީ ދައުލަތުން މަސައްކަތް ކުރަމުންދަނީ، ގާޒާގެ ދެމިލިއަން މީހުން މިސްރުގެ ސައިނާގެ ސަރަހައްދުތެރެއަށް ރެފިއުޖީންގެ ގޮތުގައި ފޮނުވާލައި ގާޒާއަށް ވެރިވެގަތުމަށެވެ. މީގެ އަހަރުތަކެއް ކުރިން، ގާޒާގެ އައްސޭރިފަށުން ވަނީ ތެލާއި ގޭހުގެ ބޮޑު ރިޒާވެއް ފެނިފައެވެ.