Advertisement

އޭދަފުށި ޓީމުން މުބާރާތުގެ ތަށި އުފުލާލަނީ، ފޮޓޯ: ގޯލްޑަން ފުޓްސަލް އެސޯސިއޭޝަން

08 Mar 2024
ޚަބަރު
މިފްތާޙް މުޙައްމަދު

އޭދަފުށި ޓީމުން ގޯލްޑަން ފުޓްސަލް ޗެލެންޖު ކާމިޔާބުކޮށްފި

ރާއްޖޭގެ ރަށްތަކުގެ މެދުގައި ކުޅޭ އެންމެ ފޯރިގަދަ އަދި އެންމެ ޝަރަފުވެރި މުބާރާތް ކަމުގައިވާ ގޯލްޑަން ފުޓްސަލް ޗެލެންޖު 2024ގެ ޗެމްޕިއަންކަން ބ. އޭދަފުށި ފުޓްސަލް ޓީމުން ހޯދައިފިއެވެ. ރާއްޖޭގެ ފުޓުބޯޅައިގައި ފަރިތަ ނަންތަކެއް ހިމެނޭ އޭދަފުށި ޓީމުން މިއީ މި މުބާރާތް ކާމިޔާބުކުރި ފުރަތަމަ ފަހަރެވެ.

ހުޅުމާލެ ރެހެންދި ފުޓްސަލް ގްރައުންޑުގައި ކުޅުނު މި ފޯރިގަދަ މެޗު އޭދަފުށިން ކާމިޔާބުކުރީ، އެންމެ ފަހުގެ ޗެމްޕިއަން ލ. ގަން 4-2 އިން ބަލިކުރުމަށްފަހުއެވެ.

މި މުބާރާތުގެ ތަށި އުފުލާލުމަށް އޭދަފުށިން ކުރި ދަތުރުގައި އެ ޓީމުން  ވަނީ ތިމަރަފުށިވެސް ބަލިކޮށްފައެވެ. ތިމަރަފުއްޓަކީ މި މުބާރާތުގެ އެންމެ ކާމިޔާބު ޓީމެވެ. އެ ޓީމުން ވަނީ މުބާރާތް 3 ފަހަރު ކާމިޔާބުކޮށްފައެވެ. އޭދަފުށިން ތިމަރަފުށި ކަޓުވާލީ ކުއާޓާ ފައިނަލުގައި ޕެނަލްޓީ ޖަހައިގެންނެވެ. މީގެ އިތުރުން، މުބާރާތުގެ ޗެމްޕިއަންކަން ހޯދާފައިވާ މާފަންނު ޓީމު ވެސް އޭދަފުށިން މި މުބާރާތުގައި ބަލިކޮށްފައިވެއެވެ.

ފައިނަލަށް ދަތުރު ކުރުމަށް ސެމީގައި އޭދަފުށި ކުރިމަތިލާން ޖެހުނީ ގާފަރާއެވެ. ގާފަރަކީ ޒޯން ބުރުގައި އޭދަފުށި ދެ މެޗުން ބަލިކުރި ޓީމެކެވެ. އަދި ޒޯން ބުރުގެ ފައިނަލުގައި ގާފަރުން ވަނީ ޕެނަލްޓީ ޖަހައިގެން އޭދަފުށި ބަލިކޮށްފައެވެ.  ނަމަވެސް ސެމީގައި އޭދަފުށިން ވަނީ ޕެނަލްޓީ ޖަހައިގެން ގާފަރު ބަލިކޮށްފައެވެ.

ރޭ ކުޅުނު ފައިނަލް މެޗުގައި އޭދަފުއްޓަށް ގޯލުތައް ކާމިޔާބުކޮށްދީފައިވަނީ އިޝާން އިބްރާހިމް (ސައްޓު) އާއި މުހައްމަދު ފާސިރު (ފާއްޓެ) އާއި އަލީ ފާސިރު (ސެންޓޭ)އެވެ. މީގެ ތެރެއިން ސެންޓޭވަނީ ދެ ގޯލު ކާމިޔާބުކޮށްފައެވެ.

ގަމުގެ ގޯލުތައް ކާމިޔާބުކުރީ އަބްދުﷲ ޖުނައިދު (ޖެންނޭ)ގެ އިތުރުން، އެ ޓީމަށް ލިބުނު ދުރު ޕެނަލްޓީއަކުން އަހުމަދު ހަލީމް (އައްމަޑޭ)އެވެ.

ރޭގެ ފައިނަލަކީ އޭދަފުށން މި މުބާރާތުގައު ކިޅުނު ދެވަނަ ފައިނަލެވެ. އެ ޓީމުން ފުރަތަމަ ފައިނަލަށް ދަތުރުކޮށްފައި ވަނީ 2019 ވަނަ އަހަރުއެވެ. އެ މެޗުގައި އޭދަފުށި މައްޗަށް ކުރި ހޯދީ ތިމަރަފުއްޓެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.