Advertisement
ކުރީ ސަރުކާރުން ޗާޕްކުރި ފޮތްތައް އުކާލާފައި -- ފޮޓޯ: މުނައްވަރު
ކުރީ ސަރުކާރުގައި ރައީސުލްޖުމްހޫރިއްޔާގެ އޮފީހުން ޗާޕްކުރި ފޮތްތައް މަގުމައްޗަށް ނެރެ އުކާލައިފި
އެމްޑީޕީގެ ސަރުކާރުގައި ރައީސުލްޖުމްހޫރިއްޔާގެ އޮފީހުން ޗާޕްކޮށްފައި ހުރި ގިނަ އަދަދެއްގެ ފޮތްތަކެއް މަަގުމައްޗަށް ނެރެ އުކާލާފައި ހުއްޓައި ފެނިއްޖެއެވެ.
މަގުމައްޗަށް ނެރެ އުކާލާފައި ހުއްޓައި ފެނިފައިވަނީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ސަރުކާރުގެ ފުރަތަމަ އަހަރުގެ ކާމިޔާބީތަކާއި، ކުރެވުނު މަސައްކަތްތައް ހިމަނައި، "މިނިވަންކަމާއި އެކު 1 އަހަރު" އެނަމުގައި ނެރެފައިވާ ފޮތެކެވެ.
ކުލަކޮށް ޗާޕްކޮށްފައިވާ އެފޮތުގެ ގިނަ އަދަދެއްގެ ކޮޕީތަކެއް އުކާލާފައި ހުރީ ޕްރިންޓްކޮށްފައި ބަންދުކޮށްފައި ހުރި ފޮށި ފޮށިގަނޑާއިވެސް އެކީގައެވެ. މިފޮތްތައް އުކާލާފައި ހުއްޓައި ފެނިފައި ވަނީ ހުޅުމާލެ ސަހަރާގެ އިރުމަތި ފަރާތުގައި އާއްމުކޮށް މީހުން ވަދެ ނޫޅޭ މަގެއްގެ ގޮތުގައި އޮންނަ މަގަކަށެވެ. އެހެން ނަމަވެސް އެފޮތްތައް އެތަނަށް އުކާލީ ކޮންބައެއްކަމެއް އެނގިފައެއް ނުވެއެވެ.
ފޮތްތައް އެގޮތަށް އުކާލާފައި ހުއްޓައި ފެނުމާއި ގުޅިގެން ބައެއް އާއްމު ފަރާތްތަކުން ވަނީ އެކަމުގެ ކަންބޮޑުވުން ފާޅުކޮށްފައެވެ.
