Advertisement

ބަންޑާރަ ނައިބު އަޙްމަދު އުޝާމް --

07 Mar 2024
ޚަބަރު
ޢަލީ ސުލައިމާން

ސަރުކާރުގެ ފުރަތަމަ ސާދަ ހަފްތާގެ ތެރޭގައި މަޖިލީހަށް ހުށައަޅަން ބުނި ނަފްސާނީ ސިއްޙަތާއި ބެހޭ ބިލް ހުށައެއް ނޭޅުނު: އޭޖީ

މިސަރުކާރުގެ ފުރަތަމަ 14 ހަފްތާގެ ތެރޭގައި މަޖިލީހަށް ހުށައަޅަން ނިންމި ބިލްތަކުގެ ތެރެއިން އެމުއްދަތުގައި ހުށަނޭޅުނީ، ނަފްސާނީ ސިއްޙަތާއި ބެހޭ ބިލް ކަމުގައި، ބަންޑާރަ ނައިބު އަޙްމަދު އުޝާމް ވިދާޅުވެއްޖެއެވެ.

ހަފްތާ 14ގައި ކުރެވުނު މަސައްކަތްތަކާއި ގުޅޭ ގޮތުން މީޑިއާތަކަށް މައުލޫމާތު ދެއްވުމަށް ދިވެހިރާއްޖޭގެ އަޑުގެ ސެެނެކޯ މާލަމުގައި ބޭއްވި ނޫސްވެރިންގެ ބައްދަލުވުމުގައި ބަންޑާރަ ނައިބު އަޙްމަދު އުޝާމް ވިދާޅުވީ، ފުރަތަމަ 14 ދުވަހުގެ ތެރޭގައި މަޖިލީހަށް ހުށައެޅުމަށް ނިންމި ބިލްތަކުގެ ތެރެއިން މަޖިލީހަށް ހުށައެޅިފައި ނުވަނީ ހަމައެކަނި، ނަފްސާނީ ސިއްޙަތުގެ ބިލް ކަމަށެވެ. އެބިލް މަޖިލީހަށް ހުށަނޭޅި އޮތް ނަމަވެސް އެބިލާއި ގުޅޭ ގިނަ މަސައްކަތްތަކެއް ކުރެވިފައިވާ ކަން އުޝާމް ފާހަގަކުރެއްވިއެވެ.

އުޝާމް ވިދާޅުވީ، ނަފްސާނީ ސިއްހަތުގެ ބިލް އެކުލަވާލައި އެކަމާއި ގުޅޭ ފަރާތްތަކާއި ޙިއްޞާކުރެވިފައިވާ ކަމަށެވެ. އަދި އެބިލް މިހާރު ފަރުމާކުރެވިފައި އޮތް ގޮތުން ބައެއް ފަރާތްތަކުގެ ބައެއް ކަންބޮޑުވުންތައް ހުރުމާއި އެކު އެބިލް މަޖިލީހަށް ހުށަނާޅައި މަޑުޖައްސާލާފައި އޮތީ އެކަންކަމާއި ގުޅޭ ގޮތުން މަޝްވަރާކުރެއްވުމަށް ކަމުގައިވެސް އުޝާމް ވިދާޅުވިއެވެ.

"އަޅުގަނޑަށް ލަފާކުރެވޭ ގޮތުން ކުރިޔަށް މިއޮތް ދެތިން ހަފްތާއެއްހައި ދުވަހުގެ ތެރޭގައި އަޅުގަނޑުމެންނަށް އެމަސައްކަތްވެސް ކުރިޔަށް ގެންގޮސް ނިންމާލެވިގެންދާނެކަމަށް އަޅުގަނޑު ޤަބޫލުކުރަނީ."

ބަންޑާރަ ނައިބު އަޙްމަދު އުޝާމް --

ބަންޑާރަ ނައިބު އަޙްމަދު އުޝާމް ވިދާޅުވީ، ފުރަތަމަ ސާދަ ހަފްތާގެ ތެރޭގައި ރައްޔިތުންގެ މަޖިލީހަށް ހުށައެޅުމަށް ކަނޑައެޅި، ބިލްތަކުގެ ތެރެއިން 9 ބިލެއް މިހާރު ވަނީ، ރައްޔިތުންގެ މަޖިލީހަށް ހުށައެޅިފައި ކަމަށެވެ. އަދި އޭގެ ތެރެއިން ބައެއް ބިލްތަކުގެ މަސައްކަތްތައް ވަކިވަކިން ހަފްތާ 14ގެ މަގުޗާޓުގައި ހިމަނާފައި ވީނަމަވެސް، ބިލްތައް ހުށައެޅުމުގެ މަސައްކަތް ކުރަމުން ދިޔައިރު ފާހަގަވީ ބައެއް ބިލްތައް ވަކިވަކި ބިލްތަކެއްގެ ގޮތުގައި ހުށައެޅުމުގެ ބަދަލުގައި އެއްކޮށް ހުށައެޅުމަކީ އެންމެ ރަނގަޅުގޮތް ކަމަށެވެ. 

ސަރުކާރުން ހުށައެޅި ބިލްތަކުގެ ތެރޭގައި، އިޖުތިމާއީ ބޯހިޔާވަހިކަމުގެ ބިލަކާއި، ބިމާއި ބެހޭ ޤާނޫނަށް އިސްލާޙް ގެނައުމުގެ ބަދަލުގައި މުޅިން އައު ބިމާއި ބެހޭ ބިލަކާއި، އަރބަން ޑިވެލޮޕްމަންޓާއި ބެހޭ ބިލަކާއި، ސޮވެރިންގ ޑިވެލޮޕްމެންޓް ފަންޑާއި ބެހޭ ބިލަކާއި، ރިއަލްއެސްޓޭޓް ވިޔަފާރީގެ ބިލަކާއި، ޓްރެވަލް އޭޖެންސީއާ ބެހޭ ބިލަކާއި، ކޮޕިރައިޓާއި ގުޅޭ ޤާނޫނަށް އިސްލާޙްގެނައުމުގެ ބިލަކާއި، ސިއްޙީ ޚިދުމަތުގެ ޤާނޫނަށް އިސްލާޙް ގެނައުމުގެ ބިލެއްވެސް ހިމެނެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.