Advertisement
ކެނދިކުޅުދޫ ކައުންސިލް މެމްބަރުން --
ކެނދިކުޅުދޫ ކައުންސިލްގެ ބަޔާން ބާޠިލް ކުރަން އެލްޖީއޭ އަކަށް ނޭންގޭނެ: ބަންޑާރަ ނައިބު
ނ، ކެނދިކުޅުދޫ ކައުންސިލްއިން ނެރުނު ބަޔާން ބާޠިލްކުރުމަށް އެލްޖީއޭއަށް ނޭންގޭނެ ކަމުގައި ބަންޑާރަ ނައިބު އަހްމަދު އުޝާމް ވިދާޅުވެއްޖެއެވެ.
އުޝާމް ވިދާޅުވީ، އެއީ އެލްޖޭއަށް އެންގޭނެ އެންގުމެއް ނޫންކަމަށް ދަންނަވައި އެލްޖީއޭއަށް ޤާނޫނީ ލަފާވެސް ދެއްވާފައި ވާކަމަށެވެ.
އެލްޖީއޭގެ އެންެގުމަށް އަމަލުނުކުރުމަށް ކެނދިކުޅުދޫ ކައުންސިލުންވެސް ނިންމާފައި ވާއިރު، އެލްޖީއޭއިންވެސް މިއަދު ބުނެފައި ވަނީ އެކަމުގައި އެ އިދާރާއިން އިތުރު ފިޔަވަޅެއް ނާޅާނެ ކަމަށެވެ.
ކެނދިކުޅުދޫ ކައުންސިލުން ނޫސްބަޔާނެއް ނެރުނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެރަށަށް ކުރެއްވި ދަތުރުފުޅުގައި މަޖިލީހުގެ ކެމްޕޭނަށް ވާގޮތަށް ކަންތައްތަކެއް ކުރައްވާފައިވާތީއެވެ. އެގޮތުން އެދަތުރުފުޅަކީ، ރަސްމީ ދަތުރުފުޅަކަށްވުރެ ކެމްޕޭން ދަތުރުފުޅެއްގެ ގޮތުގައި ކެނދިކުޅުދޫ ކައުންސިލުން ވަނީ ފާހަގަކޮށްފައެވެ.
އެލްޖީއޭގެ ނިންމުމާއި އެންގުމާއި ދެކޮޅު ހެދުމުގެ ގޮތުން ކެނދިކުޅުދޫ ކައުންސިލުން ވަނީ ނުރުހުންވެސް ފާޅުކޮށްފައެވެ.
