ކުރިޔަށް އޮތް ރޯދަމަހުގައި އެންމެ އަވަހަށްވެސް ކިޔެވުން ފެށޭ ގަޑިއަކީ ހެނދުނު 8:30 ކަމުގައި ކަނޑައަޅައި މިނިސްޓްރީ އޮފް އެޑިޔުކޭޝަނުން އެކަން ސްކޫލްތަކަށް އަންގައިފިއެވެ.

ކޮންމެ އަހަރެއްގެ ވެސް ރަމަޟާން މަހު ސްކޫލުތަކުގެ ސެޝަންތައް ކުރިޔަށް ގެންދާ ވަގުތަށް ބަދަލު ގެނެއެވެ. މިގޮތުން މިއަހަރު ސްކޫލުތަކުގެ ސެޝަން ފަށާގަޑިއަކީ، ހެނދުނު 8:30 އާއި 9:00 އާއި ދެމެދު ކަމުަގއި ހަމަޖެއްސުމަށްވެސްް ސްކޫލުތަކަށް އެޑިޔުކޭޝަން މިނިސްޓްރީން ވަނީ އަންގާފައެވެ. އަދި ސްކޫލުގެ ރަސްމީ ކިޔަވައިދިނުމުގެ ސެޝަން އެންމެ ލަސްވެގެން މެންދުރުފަހު 3:00އަށް ނިންމާލުމަށްވެސް އެޑިޔުކޭޝަން މިނިސްޓްރީން ވަނީ ހަމަޖައްސާފައެވެ.

މީގެ އިތުރުން ޓީޗަރުން ސްކޫލުގަިއ ހޭދަކުރަންޖެހޭ ވަގުތުވެސް 4 ގަޑިއިރަށް ވުރެ ދިގު ނުކުރުމަށާއި، ސެޝަންތައް 3 ގަޑިއަރަށްވުރެ ދިގު ނުކުރުމަށްވެސް އެޑިޔުކޭޝަން މިނިސްޓްރީން ވަނީ ސްކޫލުތަކަށް އަންގާފައެވެ.

ސްކޫލުތަކުގެ ކިޔަވައިދިނުމުގެ ދަންފަޅިތައް މިގޮތަށް ހަމަޖެއްސި އިރު، ސިވިލް ސަރވިސް މުވައްޒަފުންގެ މަސައްކަތު ގަޑީގެ ގޮތުގައި ސަރުކާރުން ކަނޑައަޅުއްވާފައި ވަނީ ހެނދުނު: 9:00އިން މެންދުރުފަހު 1:00 އަށެވެ.