ރާއްޖޭގެ ޚާއްޞަ އިޤުތިޞާދީ ސަރަހައްދަށް ޤަވާއިދާއި ޚިލާފަށް ވަދެ އުޅުނު ބޭރުގެ މަސްބޯޓެއް ހިފަހައްޓާފައިވާ ކަމުގައި އެމްއެންޑީއެފުން ވިދާޅުވެއްޖެއެވެ.

ރާއްޖޭގެ ކަނޑުގެ ސަަރަހައްދުގައި ޤަވާއިދާއި ޚިލާފަށް މަސްވެރިކަން ކުރާ ބޭރުގެ ބޯޓު ފަހަރު ދޭތެރެ ދޭތެރެއިން ފެނި ކޯސްޓް ގާޑުން އެބޯޓުތައް ހިފަހައްޓާއިރު، ރޭ ހިފެހެއްޓި ބޯޓާއި ގުޅޭ ގޮތުން އިތުރު މައުލޫމާތެއް އެމްއެންޑީއެފުން ހާމަކޮށްފައެއް ނުވެއެވެ.

ބައެއް ރިޕޯޓްތައް ބުނާ ގޮތުގައި ރޭ ސިފައިން ހިފެހެއްޓި މަސްބޯޓަކީ އިންޑިއާއަށް ނިސްބަތްވާ ބޯޓެކެވެ. އެހެން ނަމަވެސް އެކަން އެމްއެންޑީއެފުން ކަށަވަރުކޮށްދީފައެއް ނުވެއެވެ.

މިދިޔަ މަހު، އިންޑިއާގެ ދެ މަނަވަރެއްވެސް ވަނީ ރާއްޖޭގެ ސަރަހައްދަށް ޤަވާއިދާއި ޚިލާފަށް ވަދެ، ރާއްޖޭގެ މަސްދޯނިތަކަށް އަރައި، އެ މަސްދޯނިތައް ބަލައި ފާސްކޮށްފައެވެ.