ކޯޓުގައި ޝަރީއަތްތައް ހިނގަމުންދާ ވަގުތު، ދިވެހި ބަހުން ދެކެވޭ ވާހަކަތައް ވަގުތުން ވަގުތަށް ލިޔެވޭ "ކޭލި" ސޮފްޓްވެއާ މިއަދު ތައާރަފްކޮށްފިއެވެ. މިކަމަށްޓަކައި ބޭއްވި ހާއްސަ ރަސްމިއްޔާތެއްގައި، މި ސޮފްޓްވެއާ އިފްތިތާހުކޮށްދެއްވީ ރާއްޖޭގެ އުއްތަމަ ފަނޑިޔާރު އަހުމަދު މުއުތަސިމް އަދުނާނެވެ.

މީގެކުރިން ޝަރީއަތްތަކުގެ ބަޔާންތަކާއި ގުޅުންހުރި އެހެނިހެން ލިޔެކިޔުން ތައްޔާރުކުރަމުން އައީ، ޝަރީއަތް ރެކޯޑު ކުރުމަށްފަހު އަޑުއަހައިގެންނެވެ. އެހެންކަމުން، މި ގެނެވުނު ބަދަލާއެކީ، ޝަރީއަތް ނިމޭއިރު، އެ ޝަރީއަތުގައި ދެކެވުނު ވާހަކަތައް ހުންނާނީ ޑޮކިއުމެންޓު ކުރެވިފައެވެ.

ޖުޑީޝަލް ސާވިސް ކޮމިޝަން (ޑީޖޭއޭ) އިން ހާމަކުރި ގޮތުގައި މި އިންގިލާބި ބަދަލާއެކު، ކޯޓުތަކުގެ މަސައްކަތްތަކުގެ ސްޕީޑު އަވަސްކުރުމަށް މަގުފަހިވެގެން ދާނެއެވެ. އަދި މިއާއެކު، މައްސަލަތައް ބެލުމަށް ހޭދަވާ ވަގުތު ވެސް އަވަސްވެގެންދާނެކަމަށް ޑީޖޭއޭއިން ހާމަކުރެއެވެ.